شەتەلدىك كومپانيالار وكىلدەرىن قابىلدادى

مەملەكەت باسشىسى نۇرسۇلتان نازارباەۆ قاراشىعاناق جوباسى جونىندەگى شەتەلدىك كومپانيالار كونسورتسيۋمىنىڭ وكىلدەرىن قابىلدادى. كەزدەسۋگە «بيدجي گرۋپپ» كوم­پانياسىنىڭ باس اتقارۋشى دي­رەكتورى فرەنك چاپمەن, «شەۆرون» كورپوراتسياسى ەۋرازيالىق بولىمشەسىنىڭ باسقارۋشى ديرەك­تو­رى سكوتت دەۆيس, «لۋكويل» ااق ۆيتسە-پرەزيدەنتى اندرەي كۋزياەۆ, «ەني» كونتسەرنىنىڭ بارلاۋ جانە وڭدەۋ ءبولىمىنىڭ وندىرىستىك باس ديرەكتورى كلاۋديو دەسكالتسي, «بيدجي گرۋپپ» كومپانياسىنىڭ ەۋروپا مەن ورتالىق ازيا ءوڭىر­لەرى بويىنشا باسقارۋشى ديرەك­تورى ەشلي المانزا قاتىستى. – قازاقستانعا قوش كەلدىڭىزدەر. سىزدەر ءبىز ءۇشىن وتە ماڭىزدى كەزدە كەلىپ وتىرسىزدار. قازاقستان ءوز تاۋەلسىزدىگىنىڭ 20 جىلدىعىن مە­رەكەلەۋدە. پرەمەر-مينيستر ماعان بايانداعانداي, سىزدەر ءبىز كوپتەن بەرى جۇمىس جۇرگىزىپ كەلە جاتقان ماسەلە بويىنشا كەلىسىمگە كەلىپسىزدەر. جۇمىس وڭايعا ءتۇس­كەن جوق. ءبىزدىڭ مينيسترلىكتەر, «سامۇرىق-قازىنا» قورى, ءبىز­دىڭ سەرىكتەستەرىمىز – سىزدەر قا­جىرلى جۇمىس ىستەدىڭىزدەر. مەن سىزدەرگە ريزاشىلىعىمدى بىلدىرەمىن. وسى جىلدار ىشىندە ءبىز سىزدەرمەن بىرلەسە جۇمىس ىستەپ كە­لەمىز, شەتەل ينۆەستورلارى كە­ڭەسىندە كەزدەسەمىز. مەن سىزدەرگە ءاردايىم قولدان كەلگەن كومەگىمدى كورسەتتىم. قاراشىعاناق جوباسى جاقسى دامىپ كەلەدى. قازاقستان ءۇشىن بۇل ءىرى مۇناي جانە گاز كەن ورنى ۇلكەن مانگە يە, – دەپ اتاپ ءوتتى نۇرسۇلتان نازارباەۆ. – پرەزيدەنت مىرزا, ۇلكەن راح­مەت. الدا كەلە جاتقان تاۋە­لسىز­دىك كۇنىنە وراي شىن ىقىلاستى قۇتتىقتاۋىمدى بىلدىرۋگە رۇسات ەتىڭىز. ءسىزدىڭ دانا باسشىلى­عى­ڭىزبەن قازاقستان وراسان جۇ­مىس­تار اتقاردى جانە ادام سەنگىسىز تابىستارعا جەتتى. ءسوز جوق, قا­زاقستان ورتالىق ازيادا كوش­باس­شى سانالادى جانە باتىس الەمى­نىڭ ۇلكەن بولىگى سىزدەردىڭ ەكو­نو­ميكالىق جاعدايلارىڭىزعا قىزى­عا قارايدى. ءسىز ەلدىڭ ودان ءارى قا­رىشتى دامۋى ءۇشىن تاماشا تۇ­عىر­ناما جاسادىڭىز, – دەدى ف.چاپ­مەن. مەملەكەت باسشىسى شەتەلدىك ينۆەستورلارعا «قازاقستان رەس­پۋب­ليكاسىنىڭ تاۋەلسىزدىگىنە – 20 جىل» مەرەكەلىك مەدالدارىن تاپ­سىردى.