پرەزيدەنت نۇرسۇلتان نازارباەۆتىڭ جارلىعىمەن ەلىمىزدىڭ قوعامدىق قاۋىپسىزدىگىن قامتاماسىز ەتۋ بارىسىندا وزىنە تاپسىرىلعان مىندەتتى ادال اتقارىپ, بەيبىت ادامداردىڭ ءومىرىن قيعان اسا قاۋىپتى لاڭكەس-قىلمىسكەردى قۇرىقتاۋ كەزىندە ەرلىكپەن قازا تاپقان وبلىستىق ءىىد جول پوليتسياسى جەكە باتالونىنىڭ 1-ءشى ۆزۆود كومانديرى, پوليتسيا كاپيتانى عازيز ءابدىبەك ۇلى بايتاسوۆقا «حالىق قاھارمانى» اتاعى بەرىلدى.
ءىىد جول پوليتسياسى جەكە باتالونى 1-ءشى ۆزۆودىنىڭ كومانديرى پوليتسيا كاپيتانى عازيز بايتاسوۆ 1971 جىلى 3 ساۋىردە جامبىل قالاسىندا دۇنيەگە كەلگەن. 1978-1988 جىلدارى بايزاق اۋدانىنداعى ءتۇيمەكەنت ورتا مەكتەبىندە ءتالىم الدى. 1997 جىلى قاراعاندى پوليتەحنيكالىق ينستيتۋتىن, 2002 جىلى ءال-فارابي اتىنداعى قازاق مەملەكەتتىك ۋنيۆەرسيتەتىن بىتىرگەن ول ءىىو قىزمەتىن 1992 جىلدىڭ مامىرىنان باستاعان ەدى. سودان بەرگى ەرجۇرەك پوليتسەي جول قاۋىپسىزدىگى مەن قوعامدىق ءتارتىپتى ساقتاۋعا 20 جىلعا جۋىق ءومىرىن ارناعان ەكەن. قىزمەتىن وتەۋ بارىسىندا كاسىبي تۇرعىدان بىلىكتى, ءبىلىمدى جانە جەدەل دە ۇتقىر شەشىمدەرىمەن ەرەكشەلەنگەن. وسى ۋاقىتتار ارالىعىندا ونىڭ ۇلگىلى ەڭبەگى 25 رەت اتالىپ وتسە, ونىڭ ىشىندە 2 جانە 3-دارەجەلى «ءىىو ءمىنسىز قىزمەتى ءۇشىن» مەدالدارىمەن جانە وبلىس اكىمىنىڭ ماقتاۋ قاعازىمەن ماراپاتتالعان. سونىمەن بىرگە وتباسىنىڭ تىرەگى, ەكى بالاسىنىڭ ارداقتى اكەسى بولدى. جول پوليتسياسىنىڭ جاس قىزمەتكەرلەر بۋىنىنا تالىمگەرلىك ەتىپ, تاجىريبەسىمەن دە ءبولىستى.
2011 جىلدىڭ 12 قاراشاسىنداعى سۋىق حابار – وبلىس تۇرعىندارىن عانا ەمەس, بۇكىل ەلدى ءدۇر سىلكىندىردى. ويتكەنى, ءوزىن «جيحادتىڭ» جولىن ۇستاۋشىمىن دەپ سانايتىن قىلمىسكەر ايدىڭ-كۇننىڭ امانىندا ەش جازىعى جوق جەتى ادامنىڭ, ونىڭ ىشىندە ىشكى ىستەر ورگاندارىنىڭ 3 پوليتسەيى مەن ۇلتتىق قاۋىپسىزدىك كوميتەتىنىڭ 2 قىزمەتكەرىن مەرت قىلىپ جانە ءۇش قوعام ساقشىسىنىڭ دەنەسىنە جاراقات سالىپ, ومىرىنە قاۋىپ ءتوندىردى. وسى تۇلا بويدى تۇرشىكتىرەر وقيعا كەزىندە تارازدىق بەيبىت تۇرعىنداردىڭ ءومىرىن ساقتاۋ ءۇشىن قاراقشى اتقان وق كەۋدەسىن تەسىپ وتكەنىنە قاراماستان, جارىلىس جاساعان «جيحادشىنى» دەنەسىمەن جاپقان جول پوليتسياسىنىڭ كاپيتانى عازيز بايتاسوۆ ەرلىكپەن قازا تاپتى.
ەر ەل ءۇشىن تۋادى جانە ەل ءۇشىن باسىن بايگەگە تىگەدى. قارۋلى قىلمىسكەردى قۇرىقتاۋ بارىسىندا ع.بايتاسوۆتان باسقا مامانداندىرىلعان كۇزەت قىزمەتى باسقارماسى جەدەل دەنقويۋ ۆزۆودىنىڭ قىزمەتكەرلەرى, پوليتسيا اعا سەرجانتى پولات قويشىباي ۇلى ايانقۇلوۆ پەن پوليتسيا سەرجانتى جاقسىبەك اپرەلبەك ۇلى بايسەيىتوۆ تە ەرلىكپەن قازا تاپتى. ولار ومىرلەرىنىڭ سوڭعى ءساتى سوققانشا ەل الدىنداعى انتىن ادال ورىنداپ, ەرلىكپەن كوز جۇمدى.
ەشكىم دە ەرلىكتى باتىر بولام, تاريحتا قالام دەپ, ەسەپپەن جاسامايدى. ناعىز ادال ازامات ەل تىنىشتىعىنا, بەيبىت ادامدار ءومىرىنە قاۋىپ تونگەن ساتتە تاۋەكەلگە باس تىگەدى. مۇنداي ساتتە ەردىڭ ەرى, ءتىپتى, ارانىن اشقان اجالعا دا تايسالماي قارسى تۇرادى. ەلباسى جارلىعىمەن ماراپاتتالعان باتىر پوليتسەيلەر, ءمىنە, وسىنداي ناعىز ەرلەر. ولار ارتىندا قالعان قالىڭ ەلى مەن اياۋلى جارلارى, سۇيىكتى بالالارى ءۇشىن ەشقاشان ۇمىتىلماس ماڭگى ەرلىك جاسادى.
كوسەمالى ساتتىباي ۇلى,
جامبىل وبلىسى.
سۋرەتتە: جامبىل وبلىستىق ءىىد جول پوليتسياسى جەكە باتالونى 1-ءشى ۆزۆودىنىڭ كومانديرى, پوليتسيا كاپيتانى, مارقۇم عازيز بايتاسوۆ.
ءىىد جول پوليتسياسى جەكە باتالونى 1-ءشى ۆزۆودىنىڭ كومانديرى پوليتسيا كاپيتانى عازيز بايتاسوۆ 1971 جىلى 3 ساۋىردە جامبىل قالاسىندا دۇنيەگە كەلگەن. 1978-1988 جىلدارى بايزاق اۋدانىنداعى ءتۇيمەكەنت ورتا مەكتەبىندە ءتالىم الدى. 1997 جىلى قاراعاندى پوليتەحنيكالىق ينستيتۋتىن, 2002 جىلى ءال-فارابي اتىنداعى قازاق مەملەكەتتىك ۋنيۆەرسيتەتىن بىتىرگەن ول ءىىو قىزمەتىن 1992 جىلدىڭ مامىرىنان باستاعان ەدى. سودان بەرگى ەرجۇرەك پوليتسەي جول قاۋىپسىزدىگى مەن قوعامدىق ءتارتىپتى ساقتاۋعا 20 جىلعا جۋىق ءومىرىن ارناعان ەكەن. قىزمەتىن وتەۋ بارىسىندا كاسىبي تۇرعىدان بىلىكتى, ءبىلىمدى جانە جەدەل دە ۇتقىر شەشىمدەرىمەن ەرەكشەلەنگەن. وسى ۋاقىتتار ارالىعىندا ونىڭ ۇلگىلى ەڭبەگى 25 رەت اتالىپ وتسە, ونىڭ ىشىندە 2 جانە 3-دارەجەلى «ءىىو ءمىنسىز قىزمەتى ءۇشىن» مەدالدارىمەن جانە وبلىس اكىمىنىڭ ماقتاۋ قاعازىمەن ماراپاتتالعان. سونىمەن بىرگە وتباسىنىڭ تىرەگى, ەكى بالاسىنىڭ ارداقتى اكەسى بولدى. جول پوليتسياسىنىڭ جاس قىزمەتكەرلەر بۋىنىنا تالىمگەرلىك ەتىپ, تاجىريبەسىمەن دە ءبولىستى.
2011 جىلدىڭ 12 قاراشاسىنداعى سۋىق حابار – وبلىس تۇرعىندارىن عانا ەمەس, بۇكىل ەلدى ءدۇر سىلكىندىردى. ويتكەنى, ءوزىن «جيحادتىڭ» جولىن ۇستاۋشىمىن دەپ سانايتىن قىلمىسكەر ايدىڭ-كۇننىڭ امانىندا ەش جازىعى جوق جەتى ادامنىڭ, ونىڭ ىشىندە ىشكى ىستەر ورگاندارىنىڭ 3 پوليتسەيى مەن ۇلتتىق قاۋىپسىزدىك كوميتەتىنىڭ 2 قىزمەتكەرىن مەرت قىلىپ جانە ءۇش قوعام ساقشىسىنىڭ دەنەسىنە جاراقات سالىپ, ومىرىنە قاۋىپ ءتوندىردى. وسى تۇلا بويدى تۇرشىكتىرەر وقيعا كەزىندە تارازدىق بەيبىت تۇرعىنداردىڭ ءومىرىن ساقتاۋ ءۇشىن قاراقشى اتقان وق كەۋدەسىن تەسىپ وتكەنىنە قاراماستان, جارىلىس جاساعان «جيحادشىنى» دەنەسىمەن جاپقان جول پوليتسياسىنىڭ كاپيتانى عازيز بايتاسوۆ ەرلىكپەن قازا تاپتى.
ەر ەل ءۇشىن تۋادى جانە ەل ءۇشىن باسىن بايگەگە تىگەدى. قارۋلى قىلمىسكەردى قۇرىقتاۋ بارىسىندا ع.بايتاسوۆتان باسقا مامانداندىرىلعان كۇزەت قىزمەتى باسقارماسى جەدەل دەنقويۋ ۆزۆودىنىڭ قىزمەتكەرلەرى, پوليتسيا اعا سەرجانتى پولات قويشىباي ۇلى ايانقۇلوۆ پەن پوليتسيا سەرجانتى جاقسىبەك اپرەلبەك ۇلى بايسەيىتوۆ تە ەرلىكپەن قازا تاپتى. ولار ومىرلەرىنىڭ سوڭعى ءساتى سوققانشا ەل الدىنداعى انتىن ادال ورىنداپ, ەرلىكپەن كوز جۇمدى.
ەشكىم دە ەرلىكتى باتىر بولام, تاريحتا قالام دەپ, ەسەپپەن جاسامايدى. ناعىز ادال ازامات ەل تىنىشتىعىنا, بەيبىت ادامدار ءومىرىنە قاۋىپ تونگەن ساتتە تاۋەكەلگە باس تىگەدى. مۇنداي ساتتە ەردىڭ ەرى, ءتىپتى, ارانىن اشقان اجالعا دا تايسالماي قارسى تۇرادى. ەلباسى جارلىعىمەن ماراپاتتالعان باتىر پوليتسەيلەر, ءمىنە, وسىنداي ناعىز ەرلەر. ولار ارتىندا قالعان قالىڭ ەلى مەن اياۋلى جارلارى, سۇيىكتى بالالارى ءۇشىن ەشقاشان ۇمىتىلماس ماڭگى ەرلىك جاسادى.
كوسەمالى ساتتىباي ۇلى,
جامبىل وبلىسى.
سۋرەتتە: جامبىل وبلىستىق ءىىد جول پوليتسياسى جەكە باتالونى 1-ءشى ۆزۆودىنىڭ كومانديرى, پوليتسيا كاپيتانى, مارقۇم عازيز بايتاسوۆ.
