جەرەبە تارتۋ ءراسىمى ءوتتى

كەشە كەشكىسىن قازاقستان رەسپۋبليكاسىنىڭ ورتالىق سايلاۋ كوميسسياسىندا ساياسي پارتيالاردىڭ اتاۋلارىن سايلاۋ بيۋللەتەنىنە ەنگىزۋ تۋرالى جەرەبە تارتۋ ءراسىمى بولىپ ءوتتى. ورتالىق سايلاۋ كوميسسياسىنىڭ 1999 جىلعى 13 شىلدەدەگى قاۋلىسىمەن بەكىتىلگەن ەرەجەگە سايكەس جەرەبە تارتۋ ورتالىق سايلاۋ كوميسسياسىنىڭ وتىرىسىندا جۇزەگە اسىرىلدى. جەرەبە تارتۋ راسىمىنە پار­­­­تيا­­­لىق تىزىمدەرىن ۇسىنعان بارلىق ساياسي پارتيالاردىڭ وكىلدەرى قا­­­­­تىستى. ال ءراسىم مىناداي ءتارتىپ بويىنشا وتكىزىلدى. ءتۇسى مەن ءمول­­شەرى بىردەي كونۆەرتتەرگە ورتا­­­لىق سايلاۋ كوميسسياسىنىڭ ءمۇ­­­شە­­­سى وسك پارتيالىق تىزىمدەرىن تىركەگەن پارتيالاردىڭ سانىنا ءساي­كەس رەتتىك ساندارى بار پاراق­تاردى سالدى. بۇل رەتتە ءبىر كونۆەرتكە ءنومىرى بار ءبىر عانا پاراق سالىندى. كونۆەرتتەر جەلىمدەلىپ, ارا­­­­لاس­­­تىرىلدى جانە بارلىق قاتىسۋ­­­شىلاردىڭ كوز الدىنداعى ۇستەلگە جايىلىپ تاستالدى. ودان كەيىن ءاربىر ساياسي پارتيانىڭ وكىلى كەزەك-كەزەك ۇستەلدەن كەز كەلگەن كون­­­ۆەرتتىڭ بىرەۋىن تاڭداپ, ونى اشتى. ىشىندەگى پاراقتى الىپ, ونداعى ءنو­مىردى جاريالادى. كونۆەرتتەگى ءنومىر ساياسي پارتيانىڭ سايلاۋ بيۋل­لەتەنىنە ەنگىزىلەتىن رەتتىك سا­نى بولىپ تابىلادى. ال جەرەبە تارتۋ ءراسىمىنىڭ ءنا­­­­­­­­­تيجەلەرى بويىنشا 2012 جىلعى 15 قاڭتاردا داۋىس بەرۋ كەزىندە سايا­سي پارتيالاردىڭ اتاۋلارى ساي­­­­­­­­­­­لاۋ بيۋللەتەنىندە كەلەسى ءتارتىپ­­پەن ورنالاساتىن بولادى: 1. «نۇر وتان» حالىقتىق-دەموكراتيالىق پارتياسى. 2. قازاقستاننىڭ پاتريوتتارى پارتياسى. 3. «رۋحانيات» پارتياسى. 4. قازاقستاننىڭ «اق جول» دەموكراتيالىق پارتياسى. 5. جالپىۇلتتىق سوتسيال-دەموكراتيالىق حالىق پارتياسى. 6. قازاقستاننىڭ كوممۋنيستىك حالىق پارتياسى. 7. قازاقستان سوتسيال-دەمو­­كرا­تيالىق «اۋىل» پارتياسى. 8. «ادىلەت» دەموكراتيالىق پارتياسى.