وتىرىستا استانا قالاسىنىڭ 20 جىلدىق مەرەيتويىنا دايىندىق پەن وعان ارنالعان شارالاردى وتكىزۋ جونىندەگى جوسپاردىڭ ورىندالۋ بارىسى جونىندە جانە «رۋحاني جاڭعىرۋعا» بايلانىستى شارالار ايتىلدى. بۇل جونىندە وبلىستىق مادەنيەت باسقارماسى باسشىسى پ.سارمۋرزينا ايتىپ بەردى.
- جىل باسىنان بەرى استانا قالاسىنىڭ 20 جىلدىعىنا قارسى ماڭعىستاۋ وبلىسى بويىنشا كوپتەگەن مەرەكەلىك شارالار وتكىزىلدى. جوسپارعا سايكەس وبلىس كىتاپحانالارىندا «رۋحى بيىك - استانا» جۇرمەلى كورمەسى, «جاسا, جاينا ەلوردا» كىتاپ كورمەسى, «استانا - جارقىن قالا» تاقىرىپتىق كەش, «ارايلى استانا – ەلىمنىڭ كوركى» ينتەللەكتۋالدىق ويىن – سايىس, «استانا بالالار كوزىمەن....» اتتى سۋرەت سالۋ سايىسى سەكىلدى تانىمدىق شارالار وتكىزىلۋدە. 1-4 شىلدە ارالىعىندا استانا قالاسىنىڭ 20 جىلدىعىنا ماڭعىستاۋ وبلىسىندا كوپتەگەن مادەني ءىس-شارالار جوسپارلانۋدا, دەدى ول.
ەكىنشى ماسەلە بويىنشا, ماڭعىستاۋ وبلىسىندا «رۋحاني جاڭعىرۋ» باعدارلاماسىن ىسكە اسىرۋ شەڭبەرىندە اتقارىلىپ جاتقان جۇمىستار جايلى «رۋحاني جاڭعىرۋ» وڭىرلىك جوبالىق ءوفيسىنىڭ باسشىسى گ. ازان باياندادى.
- «ماڭعىستاۋ وبلىسىنىڭ ماتەريالدىق جانە ماتەريالدىق ەمەس تاريحي – مادەني مۇرالارى (ەتنوگرافيالىق, ەتنوارحەولوگيالىق, ەتيمولوگيالىق, توپونيميكالىق, تاريحي – ساۋلەت, ارابوگرافيالىق زەرتتەۋلەر)» تاقىرىبىندا وبلىستىق كەشەندى ەكسپەديتسياسى ۇيىمداستىرىلدى. جەرگىلىكتى تاريحشى عىلىمدار جانە ولكەتانۋشىلارمەن بىرلەسە وتىرىپ, كەشەندى ەكسپەديتسيانىڭ باعىتتارى تالقىلانىپ, جوسپارى دايىندالدى. ەكسپەديتسيا مۇشەلەرىنىڭ قۇرامىنا رەسپۋبليكاعا تانىمال جانە رەسەي, ءازىربايجان, تۇركيا ەلدەرىنەن ماماندار تارتىلدى. 14 مامىر كۇنى ەكسپەديتسيا مۇشەلەرى قاتىسۋىمەن ءباسپاسوز كونفەرەنتسياسى وتكىزىلدى, «ماڭعىستاۋ» ارناسىندا «ورتا تولسىن» باعدارلاماسىنا قاتىستى, دەدى ول.
كەلەلى ماسەلەلەردى ورتاعا سالعان كەڭەستىڭ كەلەسى وتىرىسىندا دا رۋحاني جاڭعىرۋعا قاتىستى ماسەلەلەر ورتاعا سالىنباق.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
