رەسپۋبليكالىق بالالار بايقاۋىنا 300-گە جۋىق سۋرەتشى جەتكىنشەك قاتىستى. ولاردىڭ 50-ءى عانا ۇزدىك اتانىپ, 8 بالا جۇلدەلى ورىندارمەن ماراپاتتالدى. باس جۇلدەنى د.ستاۆنيچايا مەن ۆ.كاۆارەنتكا يەلەنسە, جۇلدەلى ءبىرىنشى ورىندى و.بەسپالوۆا مەن ا.پانومورەنكو, ەكىنشى ورىندى د.سەيۆۋحينا مەن ب.بەيسەمبەكوۆا يەلەندى. ال ءۇشىنشى ورىن م.قايراتوۆا مەن ا.سنەلحانوۆاعا بۇيىردى.
ء«بىزدىڭ كومپانيامىز قازاقستانعا شيرەك عاسىر بۇرىن كەلدى جانە تاۋەلسىز مەملەكەتكە قولداۋ كورسەتكەن, سەنىم بىلدىرگەن ءبىرىنشى ءىرى باتىستىق ينۆەستور بولدى. ءبىزدىڭ ءىرى الەۋمەتتىك جوبالارىمىزدىڭ ءبىرى جاس ۇرپاقتى ەكولوگيالىق قۇندىلىقتارعا ونەر ارقىلى باۋلۋ بولىپ تابىلادى. ءبىز بۇگىن تاماشالاپ وتىرعان سۋرەتتەردە بالالاردىڭ قورشاعان ورتانىڭ سۇلۋلىعىن, قازاقستان حالقىنىڭ مادەنيەتىن بەينەلەۋگە قۇشتارلىعىن انىق كورىپ وتىرمىز», دەدى «شەۆرون» كومپانياسىنىڭ وكىلى لەيلا ايتمۇحانوۆا.
بايقاۋعا قاتىسۋشىلار بەينەلەۋ قۇرالدارىمەن قورشاعان الەمدى, ياعني تۋعان تابيعاتتىڭ سۇلۋلىعىن, سۇيىكتى قالاسىن, جەتىستىكتەرىن, قازاقستاننىڭ بارلىق قازاقستاندىقتار ءۇشىن ورتاق ءۇي ەكەنىن كورسەتۋگە تىرىسقان.
بايقاۋ اياسىندا بەينەلەۋ جانە دەكوراتيۆتى-قولدانبالى ونەر, ءمۇسىن جانە قىش بويىنشا شەبەرلىك كلاستار, ەلوردانىڭ اسەم دە سالتاناتتى ورىندارىمەن تانىسۋ جانە ۇلتتىق مۋزەيگە, «ماڭگىلىك ەل» سالتاناتتى اركاسىنا ەكسكۋرسيالار ۇيىمداستىرىلدى.
ميراجان ماحان,
ل.ن.گۋميلەۆ اتىنداعى ەۇۋ ستۋدەنتى
