وتىرىسقا كوميسسيا مۇشەلەرى – رەسپۋبليكالىق بۇقارالىق اقپارات قۇرالدارىنىڭ, شىعارماشىلىق وداقتاردىڭ, جۋرناليستەردىڭ قوعامدىق بىرلەستىكتەرى مەن مۇددەلى مەملەكەتتىك ورگاندارىنىڭ وكىلدەرى قاتىستى.
مەملەكەتتىك حاتشى جيىندا سويلەگەن سوزىندە بۇقارالىق اقپارات قۇرالدارىنىڭ قازاقستان مەملەكەتتىلىگىن نىعايتۋداعى ماڭىزدى رولىنە توقتالىپ, باق وكىلدەرىن كەلە جاتقان كاسىبي مەرەكەلەرى – بايلانىس جانە اقپارات قىزمەتكەرلەرى كۇنىمەن قۇتتىقتادى.
«بۇل ماراپات وسىمەن 22-ءشى رەت بەرىلىپ وتىر. باق مەملەكەت باسشىسىنىڭ باستامالارىن حالىققا جەتكىزۋ, مەملەكەتتىك ساياساتتى ءتۇسىندىرۋ, قوعامدىق پىكىر قالىپتاستىرۋ, ازاماتتىق قوعامدى دامىتۋ ىسىندە ماڭىزدى ءرول اتقارادى. وسىنداي مارتەبەلى دە جاۋاپتى ميسسيانى لايىقتى اتقارۋ ءۇشىن ءباسپاسوز باسەكەگە قابىلەتتى بولۋى شارت. مەملەكەت باسشىسى نۇرسۇلتان ءابىش ۇلى نازارباەۆ وتاندىق جۋرناليستيكانى دامىتۋ ماسەلەسىنە زور ءمان بەرەدى. وسى باعىتتا جۇيەلى جۇمىستار جۇرگىزىلۋدە. پرەزيدەنتتىڭ جۋرناليستەرگە ارنالعان گرانتتارى مەن سىيلىقتارى وسىنداي قولداۋدىڭ ايقىن كورىنىسى», دەدى مەملەكەتتىك حاتشى.
گ.ابدىقالىقوۆا مەملەكەتتىڭ بۇقارالىق اقپارات قۇرالدارىنىڭ رولىنە تەرەڭ ءمان بەرىپ, ءاردايىم قولداۋ كورسەتىپ وتىراتىنىن جەتكىزدى. سونداي-اق كاسىبي دەڭگەيى مەن شەبەرلىگىن ۇدايى جەتىلدىرىپ وتىراتىن تالانتتى جۋرناليستەردىڭ شىعارماشىلىق باستامالارى مەن ىنتا-جىگەرىن قولداۋدىڭ قاجەتتىگىن اتاپ ءوتتى.
«ەلىمىزدە جانە شەتەلدە بولىپ جاتقان ماڭىزدى وقيعالار قازاقستانداعى رەفورمالاردىڭ باعىتى مەن مەملەكەتتىك ساياساتتى دۇرىس جەتكىزۋ ىسىندەگى وتاندىق باق-قا دەگەن جوعارى سۇرانىستىڭ جانە ونىڭ ەرەكشە ءرولىن ايقىندايدى. جالپىعا ورتاق اقپاراتتاندىرۋ عاسىرىندا ءدال ءارى ناقتى اقپارات نەگىزگى قۇندىلىق بولىپ تابىلادى», دەدى گ.ابدىقالىقوۆا.
مەملەكەتتىك حاتشى ەلىمىزدىڭ مەديا-قوعامداستىعى ءوزىنىڭ ء«تورتىنشى بيلىك» رەتىندەگى جوعارى مارتەبەسىن راستاي وتىرىپ, قازاقستاندىق ءپاتريوتيزمدى نىعايتۋعا, قوعامدىق كەلىسىم مەن ەتنوسارالىق تاتۋلىق قۇندىلىقتارىن بەكەمدەي تۇسۋگە, مەملەكەت پەن قوعامنىڭ وزەكتى پروبلەمالارىنا جەدەل ءۇن قاتۋعا سەپتىگىن تيگىزەتىنىن ايتتى.
بيىل قوعامدىق كوميسسيانىڭ قاراۋىنا 61 ۇسىنىم بەرىلدى, سونىڭ ىشىندە 47-ءسى جۋرناليستەرگە, 14-ءى شىعارماشىلىق ۇجىمدارعا قاتىستى. بۇل رەتتە 25 ۇسىنىم ءباسپاسوز باسىلىمدارىنان, 36 ۇسىنىم ەلەكتروندى باق-تان, تەلەكومپانيالاردان, تەلەارنالاردان كەلىپ ءتۇستى.
قوعامدىق كوميسسيا وتىرىسىندا جۋرناليستەر ماتەريالدارىنىڭ دەڭگەيى جوعارى ەكەندىگى, سونداي-اق ءباسپاسوز قوعامداستىعىنىڭ قازاقستان دامۋىنىڭ ماڭىزدى قوعامدىق-ساياسي جانە الەۋمەتتىك-ەكونوميكالىق ماسەلەلەرىن جاريالاپ, كورسەتۋدەگى ۇلەسى اتاپ ءوتىلدى.
تالقىلاۋ قورىتىندىسى بويىنشا, باق سالاسىنداعى پرەزيدەنتتىك ماراپاتتاردى تاعايىنداۋ ەرەجەسىنە سايكەس, قوعامدىق كوميسسيا اشىق داۋىس بەرۋ ارقىلى باق وكىلدەرىنە 2 سىيلىق بەرۋ, 2 گرانت تاپسىرۋ جانە 4 شىعارماشىلىق ۇجىمعا پرەزيدەنت العىسىن جاريالاۋ جونىندە مەملەكەت باسشىسىنا ۇسىنىس جاساۋ تۋرالى ءبىراۋىزدان قاۋلى قابىلدادى.
اباي اسانكەلدى ۇلى,
«ەگەمەن قازاقستان»
