جالپى, ارۋاقتى اقىننىڭ ەسكەرتكىشتەرى ەلىمىزدىڭ بارلىق ايماعىندا عانا ەمەس, بىرقاتار شەت مەملەكەتتەردە دە بار. مىسالعا, الماتى وبلىسى اكىمدىگىنىڭ مۇرىندىق بولۋىمەن سوڭعى 4-5 جىل ارالىعىندا كيەۆ پەن بەلگراد قالالارىندا جامبىل بەينەسى تاسقا قاشالعان بولاتىن. ال جىر الىبى اتتاس اۋداننىڭ ورتالىعىنداعى ەسكەرتكىشتى وسى ءوڭىردىڭ ازاماتتارى باس بولىپ, جەكە قارجىلارىنا جاساتقان ەكەن.
– بيىل ءبىزدىڭ اۋداننىڭ قاستەك اۋدانى بولىپ قۇرىلعانىنا 90 جىل ءارى جامبىل اتىن يەلەنگەنىنە 80 جىل تولىپ وتىر. وسىعان وراي اۋدان ورتالىعىنا جامبىل بابا ەسكەرتكىشىن ورناتۋ تۋرالى كوپشىلىك باستاما كوتەرگەن ەدى. ءسويتىپ «تۋعان جەرگە تاعزىم» دەگەن قور قۇرىلدى. اعايىندار قورعا قارجى جيناقتاپ, ەسكەرتكىشتىڭ اشىلۋىنا ۇيىتقى بولدى, – دەيدى ءىستىڭ باسى-قاسىندا جۇرگەن قادىرمەندى اقساقال اسكەربەك اباەۆ.
مىنە, ەندى بەلگىلى ءمۇسىنشى قازبەك جارىلعاپوۆتىڭ قولىنان شىققان قولا ءمۇسىن قازىر ۇزىناعاشتاعى «اقىندار مەن باتىرلار ەلى» ساياباعىنىڭ ءسانىن كەلتىرىپ تۇر.
جالپى, الماتى وبلىسىندا «رۋحاني جاڭعىرۋ» باعدارلاماسى اياسىندا قولعا الىنعان شارالاردىڭ قاتارىندا ۇلتتىڭ ۇلى تۇلعالارىنىڭ ەسىمىن ارداقتاپ, اۋىلداردا ەسكەرتكىش تۇرعىزۋ ءساتتى جۇزەگە اسىپ جاتىر. جىر الىبىنا قويىلعان ەسكەرتكىش – سونىڭ ءبىر جارقىن كورىنىسى.
قالماحانبەت مۇقامەتقالي,
«ەگەمەن قازاقستان»
الماتى وبلىسى
