ترامپتىڭ كيم چەن ىنمەن كەزدەسۋى تاڭعى ساعات توعىزعا بەلگىلەنگەن (استانا ۋاقىتى بويىنشا 07.00).
«رەسمي امانداسۋدان سوڭ قوس باسشى كوزبە-كوز سويلەسەتىن بولادى. كەزدەسۋگە تەك اۋدارماشىلار عانا قاتىسادى. بۇدان سوڭ وتىرىس كەڭەيتىلگەن قۇرام كەزدەسۋى مەن ىسكەرلىك اسقا جالعاسادى», دەلىنگەن حابارلامادا.
كەڭەيتىلگەن قۇرام كەلىسسوزدەرىنە اقش مەملەكەتتىك حاتشىسى مايك پومپەو, پرەيزدەنتتىڭ ۇلتتىق كەڭەسشىسى دجون بولتون, اق ءۇيدىڭ اپپارات جەتەكشىسى دجون كەللي قاتىسادى.
ترامپتىڭ اقش-قا ورالۋى 12 ماۋسىم كەشكى ۋاقىتقا جوسپارلانىپ وتىر.
اقش پەن سولتۇستىك كورەيا باسشىلارى وسىعان دەيىن كەزدەسىپ كورمەگەن, ءتىپتى تەلەفونمەن دە سويلەسپەگەن. كەزدەسۋدە سولتۇستىك كورەيانىڭ يادرولىق باعدارلاماسى باستى تاقىرىپ بولماق. ۆاشينگتون پحەنياننىڭ يادرولىق قارۋدان تولىق باس تارتقانىن تالاپ ەتەدى. ترامپ بۇعان دەيىن سولتۇستىك كورەيامەن بايلانىستى دۇرىستاۋدان ءۇمىتتى ەكەنىن مالىمدەپ, كورەي تۇبەگى يادرولىق قارۋدان تولىق ارىلعان جاعدايدا پحەنيانمەن بەيبىت كەلىسىمگە قول قويۋى مۇمكىن ەكەنىن بىلدىرگەن.
