كوميسسيانىڭ العاشقى وتىرىسى 2018 جىلدىڭ قىركۇيەك ايىندا قازاقستاندا قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتىنىڭ («قازقسعزي» اق) توراعالىعىمەن وتەدى.
ۋاعدالىستىققا تمد ەلدەرىنىڭ قۇرىلىس قىزمەتىندەگى ىنتىماقتاستىعى جونىندەگى ۇكىمەتارالىق كەڭەسىنىڭ تەحنيكالىق رەتتەۋ ماسەلەلەرى بويىنشا بازالىق ۇيىمنىڭ ءۇشىنشى وتىرىسىنىڭ بارىسىندا قول جەتكىزىلگەن.
2018 جىلدىڭ 7-9 ماۋسىمى ارالىعىندا دۋشانبەدە وتكەن ءىس-شاراعا رەسەيدەن, قازاقستاننان, قىرعىزستاننان, وزبەكستاننان جانە تاجىكستاننان كەلگەن قۇرىلىس سالاسىنىڭ ماماندارى قاتىستى.
الەكساندر شاحنوۆيچ, قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتىنىڭ («قازقسعزي» اق) دامۋ جانە تسيفرلاندىرۋ جونىندەگى باسقارۋشى ديرەكتورى «قۇرىلىستاعى اقپاراتتىق مودەلدەۋ سالاسىنداعى مەملەكەتارالىق ءوزارا ارەكەت ەتۋدىڭ نەگىزگى اسپەكتىلەرى» بايانداماسىمەن ءسوز الدى.
«2017 جىلى قازقسعزي ساراپشىلارى قازاقستاننىڭ قۇرىلىس سالاسىنا اقپاراتتىق مودەلدەۋدى ەنگىزۋ تۇجىرىمداماسىن ازىرلەدى, ال وسى جىلدىڭ ءساۋىر ايىندا ءبىزدىڭ ساراپشىلار نورماتيۆتىك-تەحنيكالىق قۇجاتتاردى كەيىننەن دۇرىس تسيفرلاۋ ءۇشىن تەرميندەردىڭ ءوز اراسىنداعى ءوزارا بايلانىسىن سيپاتتايتىن, سونداي-اق اقپاراتتىق مودەلدەۋ تەحنولوگيالارى بويىنشا بىرىڭعاي مەملەكەتارالىق تسيفرلىق سوزدىك قۇرۋدى ۇسىندى. 2018 جىلدىڭ قىركۇيەك ايىنا جوسپارلانعان تمد قۇرىلىسىنداعى اقپاراتتىق مودەلدەۋ تەحنولوگيالارى سالاسىنداعى نورماتيۆتىك-تەحنيكالىق بازانى دامىتۋ بويىنشا شاعىن كوميسسيانىڭ وتىرىسى تمد ەلدەرىنىڭ قۇرىلىسىنداعى جاڭا تەحنولوگيالاردى دامىتۋداعى ىنتىماقتاستىقتى كەڭەيتۋگە جانە كۇشەيتۋگە مۇمكىندىك بەرەتىنىنە سەنىمدىمىن», – دەدى «قازقسعزي» اق باس ديرەكتورى بەگمان كۋلباەۆ.
بازالىق ۇيىمنىڭ وتىرىسىندا سەيسميكاعا ءتوزىمدى قۇرىلىس بويىنشا نورمالاردى ۇيلەستىرۋ جانە دامىتۋ ماسەلەسىنە, بىرلەسكەن ەكسپەريمەنتالدىق-تەوريالىق زەرتتەۋلەر جۇرگىزۋگە ەرەكشە نازار اۋدارىلدى.
قازاقستان تمد ايماعىندا سەيسميكاعا ءتوزىمدى قۇرىلىس سالاسىنداعى تانىلعان ساراپشى بولىپ تابىلاتىندىقتان, «قازقسعزي» اق تەحنيكالىق ماسەلەلەر جونىندەگى باس ديرەكتوردىڭ كەڭەسشىسى, تمد-عا قاتىسۋشى مەملەكەتتەردىڭ سەيسميكاعا ءتوزىمدى قۇرىلىس بويىنشا نورمالاردى ۇيلەستىرۋ جانە دامىتۋ ماسەلەلەرى بويىنشا تەحنيكا عىلىمدارىنىڭ دوكتورى, ميركەن اباقانوۆتىڭ بايانداماسى اسا قىزىعۋشىلىقپەن تىڭدالدى.
ءوز كەزەگىندە, «قازقسعزي» اق ءوندىرىس جونىندەگى باسقارۋشى ديرەكتورى ەرالى شوقباروۆ «قازقسعزي» اق بازاسىندا سەيسميكاعا ءتوزىمدى قۇرىلىس بويىنشا بازالىق ۇيىم قۇرۋ ۇسىنىسىمەن ءسوز الدى.
وسى ماسەلەنىڭ وزەكتىلىگىنە جانە وسى تاقىرىپ بويىنشا ماسەلەلەردى كەڭىنەن قاراستىرۋ قاجەتتىلىگىنە بايلانىستى, سەيسميكاعا ءتوزىمدى قۇرىلىس بويىنشا جەكەلەگەن وتىرىستى جۇرگىزۋ بويىنشا شەشىم قابىلداندى, دنپ حابارلايدى «قازقسعزي» اق PR-قىزمەتى.
ايناش ەسالي,
«ەگەمەن قازاقستان»
الماتى
