وبلىس اكىمى جارتى جىل بۇرىن ۇلتتىق دەڭگەيدەگى مۇنداي اۋقىمدى جوبانىڭ ءمانىن قازاقستاندىقتاردىڭ ءبارى بىردەي تۇسىنە بەرمەگەنىن, الايدا از ۋاقىتتىڭ ىشىندە ول كەڭ قولداۋعا يە بولعانىن العا تارتتى.
«بۇگىنگى كۇنى قاراعاندى وبلىسىندا باعدارلامادا بەكىتىلگەن بارلىق التى ارنايى جوبا بويىنشا بەلسەندى جۇمىس جۇرگىزىلىپ جاتىر. ماسەلەن, وڭىردە ءارتۇرلى 456 جوبا جاسالعان, ولاردىڭ جارتىسى قازىرگى ۋاقىتتا ىسكە اسىرىلىپ تا قويعان. مالىمدەلگەن جوبالاردىڭ جالپى قۇنى 13 ميلليارد تەڭگەندەن استام سومانى قۇرايدى, ونىڭ ىشىندە شامامەن 5 ملرد تەڭگە دەمەۋشىلەر مەن مەتسەناتتار ەسەبىنەن. باعدارلاما شەڭبەرىندە قاراعاندى وبلىسىندا ازاماتتىق باستامالار كۇنى ۇيىمداستىرىلدى, ول ءوڭىرىمىزدىڭ كەز كەلگەن تۇرعىنىنا ءومىردىڭ بەلگىلى ءبىر سالاسىن قالاي جاقسارتۋعا بولاتىنى تۋرالى ناقتى ۇسىنىستارمەن كەلۋگە مۇمكىندىك بەرەدى. بۇل اكتسيا قاراعاندىلىقتاردىڭ ۇلكەن قىزىعۋشىلىعىنا يە بولعانىن ايتا كەتكەن ءجون. وعان قوسا, تاعى ءبىر قىزىقتى جوبا ازىرلەنىپ جاتىر. ول: يگى ىستەر كورپوراتسياسى ءموبيلدى قوسىمشاسى, ونىڭ كومەگىمەن كەز كەلگەن ادام قالاۋى بويىنشا تەلەفوننان ناقتى قايىرىمدىلىق جوبالارىنا ازداعان سوما جىبەرە الادى», دەدى ول.
ەرلان قوشانوۆ ءوڭىر تۇرعىندارى پرەزيدەنتتىڭ «تۋعان جەر» باستاماسىن دا نىق سەنىممەن قابىلداعانىن ايتتى.
«ەڭ ءبىرىنشى «تۋعان جەر» باعدارلاماسىنا توقتالعىم كەلەدى. ارينە كىمگە بولسا دا تۋعان جەر ول قاسيەتتى دە ارداقتى ۇعىم. سوندىقتان تۋعان جەردى كوركەيتۋ مەن دامىتۋعا قولدان كەلگەنشە لايىقتى ۇلەس قوسۋ ءاربىر ازاماتتىڭ پارىزى دەپ تۇسىنەمىن. ءبىزدىڭ حالقىمىزدا «تۋعان جەرگە تۋىڭدى تىك» دەگەن قاناتتى ءسوز بار. قازاقستاندىق پاتريوتيزم, وتانشىلدىق دەگەننىڭ ءوزى وسى تۋعان جەردى سۇيۋدەن باستالادى. ءبىزدىڭ وڭىردەن شىققان بەلگىلى كاسىپكەرلەر مەن مەتسەناتتار تۋعان جەرىن دامىتۋعا وزدەرىنىڭ ۇلكەن قولداۋىن كورسەتىپ كەلە جاتىر. ولاردىڭ قاتىسۋىمەن قالالاردا, اۋدان ورتالىقتارىندا جانە اۋىلداردا تەك ءبىر جىلدىڭ ىشىندە 76 الەۋمەتتىك نىسان سالىنىپ, جوندەۋدەن ءوتتى», دەدى وبلىس اكىمى.
ايماق باسشىسىنىڭ ايتۋىنشا, بۇگىنگى تاڭدا ۇلىتاۋداعى ساكرالدى نىساندارعا كىرمە جولدار سالۋ جۇمىسى ءجۇرىپ جاتىر.
« ۇلىتاۋ – بۇل ۇلىلار جولى, حاندار جولى, ول ءبىزدىڭ تاعدىر جولىمىز. ەلباسى ءبىراز جىل بۇرىن ۇلىتاۋ باۋرايىندا بەرگەن سۇحباتىندا « ۇلىتاۋ قازاق ەلىنىڭ كونە زاماننان بەرى تاريحي ساياسي كىندىگى» دەپ اتاپ وتكەن بولاتىن. ءبىز ۇلىتاۋدى ەلىمىزگە عانا ەمەس, الەمگە دە تانىتۋدى جوسپارلاپ وتىرمىز. سەبەبى ۇلىتاۋ الەمدىك دەڭگەيدە ءوزىنىڭ بيىك ورنىن الۋعا لايىقتى قازاقتىڭ ءىنجۋ-مارجانى. ونى تەك قاراعاندىلىقتارعا عانا ەمەس, بارشا قازاقستاندىقتارمەن الەمگە تانىتۋىمىز قاجەت. ويتكەنى ۇلىتاۋ بارىنە كورسەتۋگە لايىقتى تاريحي مۇرالار وتە كوپ ءوڭىر. ول ءۇشىن نە قاجەت؟ ەڭ ءبىرىنشى وڭىرگە دامىعان ينفراقۇرىلىم كەرەك. سەبەبى ۇلىتاۋدىڭ باستى ماسەلەسى – ۇلىتاۋداعى جولدىڭ قاشىقتىعى جانە سول باراتىن جولدىڭ قيىندىعى. سوندىقتان ءبىز اۋەلى اۆتوجولداردى جوندەۋدەن باستادىق. وسى ماقساتپەن 5 ملرد تەڭگەگە جۋىق قارجىعا بىلتىر باستالعان قاراعاندى – جەزقازعان اۆتوجولىن جوندەۋدى بيىل تولىق اياقتايمىز. ەگەر بىلتىرلارى بۇل جولمەن ءجۇرىپ ءوتۋدىڭ ۋاقىتى 7-8 ساعاتتى قۇراسا, قازىر 4-5 ساعاتتا ءجۇرىپ وتۋگە بولادى. سول سياقتى بيىل الاشا حان, جوشى حان كەسەنەلەرى مەن «حان ورداسى», «التىن شوقى» سياقتى تاريحي ورىندارعا اپاراتىن جالپى ۇزىندىعى 100 شاقىرىم جولداردى جوندەۋ جۇمىسى باستالدى. وعان بولىنگەن قارجىنىڭ كولەمى 2,7 ملرد تەڭگەنى قۇرايدى», دەدى ە.قوشانوۆ.
راۋان قايدار,
«ەگەمەن قازاقستان»
