ۆەدومستۆانىڭ حابارلاۋىنشا, قىتاي ازامتتارى ءۇشىن ۆيزاسىز رەجيم ەنگىزۋ جونىندەگى اقپارات شىندىققا جاناسپايدى.
«قازاقستان قىتايمەن ۆيزاسىز رەجيم ەنگىزۋ تۋرالى كەلىسسوزدەر جۇرگىزىپ جاتقان جوق. قىتاي ازاماتتارى ءۇشىن ۆيزاسىز رەجيمىنىڭ ەنگىزىلۋى مۇمكىن دەپ تاراپ جاتقان اقپاراتتار جالعان», دەدى سىرتقى ىستەر مينيسترلىگىنىڭ ءباسپاسوز قىزمەتى.
سونداي-اق قازىرگى ۋاقىتتا قازاقستان تاراپى ەل ازاماتتارى ءۇشىن ۆيزاسىز كەلىسىم مەرزىمىن ۇزارتۋ, قازاقستاندىقتار ءۇشىن جەكەلەگەن ۆيزا بەرۋ شارتتارىن قايتا قاراۋ سىندى ءوزارا ىنتىماققا كەلىسىلگەن جۇمىستار جالعاسۋدا ەكەنىن ءمالىم ەتتى.
