ءبىرىنشى پارتيادا نادال برەيك جاساپ, 2:0 ەسەبىمەن العا شىققانىمەن, كوپ ۇزاماي تيم تارازى باسىن تەڭەستىردى. دەگەنمەن ەسەپ 5:4 بولىپ تۇرعان كەزدە يسپانيالىق سپورتشى تاعى ءبىر برەيك جاساپ, سەتتى ءساتتى اياقتاي ءبىلدى.
ەكىنشى سەتتى دە يسپانيالىق تەننيسشى قارقىندى باستاپ, 3:0 ەسەبىمەن العا كەتتى. سودان كەيىن دە باسىمدىقتى ۋىسىنان شىعارعان جوق - 6:3.
ءۇشىنشى پارتيادا اۆستريالىق ءوز گەيمىن اۋپىرىممەن الىپ, 1:0 ەسەبىمەن العا شىققان, بىراق ارى قاراي سول قارقىنىن جالعاستىرا المادى. نادال بۇل سەتتە دە قارسىلاسىنا ەش مۇمكىندىك بەرمەي, 6:2 ەسەبىمەن ۇتتى.
ماتچ 2 ساعات 42 مينۋتقا سوزىلدى. وسىلايشا رافاەل نادال «رولان گارروس» ءتۋرنيرىن 11 مارتە ۇتتى. ول وسى جەڭىسىمەن 2,2 ملن دوللار تابىس تاۋىپ, رەيتينگتەگى كوشباسشىلىق ورنىن دا ساقتاپ قالدى.
بۇل - رافاەل نادالدىڭ «ۇلكەن دۋلىعا» تۋرنيرلەرىندەگى 17-ءىنشى جەڭىسى. ول «رولان گارروستان» باسقا US Open ءتۋرنيرىن - 3, ۋيمبلدوندى - 2, Australian Open جارىسىن 1 رەت ۇتقان ەدى.
