جوسپار بويىنشا تاريحي سامميت سەيسەنبى كۇنى سەنتوزا ارالىندا ءوتۋى ءتيىس. رەسمي باستالعانعا دەيىن قوس تاراپتىڭ باسشىلارى بەيرەسمي كەزدەسۋ وتكىزۋى مۇمكىن. بۇل كحدر باسشىسىنىڭ اقش-تىڭ قازىرگى پرەزيدەنتىمەن العاشقى كەزدەسۋى بولايىن دەپ تۇر.
سينگاپۋرگە شىقپاس بۇرىن دونالد ترامپ بۇل كەزدەسۋدى "بەيبىتشىلىك ورناتۋدىڭ تاماشا جولى" دەپ اتادى. ول استانا ۋاقىتىمەن 23:35-تە جەتەدى دەپ كۇتىلىپ وتىر.
كيم چەن ىءن وز كەزەگىندە ترامپتان بىرنەشە ساعات بۇرىن جەتىپ, سينگاپۋردىڭ پرەمەر-ءمينيسترى لي سيانلۋنمەن كەزدەسىپ ۇلگەردى.
ءسامميتتىڭ كۇن تارتىبىندە اقش-تىڭ سولتۇستىك كورەيادا ەلشىلىك اشۋ جايى ەنگىزىلگەنى بەلگىلى بولدى.
