جيىندى اۋدان اكىمى جارقىنبەك بايسابىروۆ اشىپ, قازاقتىڭ سالت-داستۇرلەرى وسىلاي كەرەمەت ناسيحاتتالىپ جاتقانىنا ەرەكشە ريزاشىلىعىن ءبىلدىردى. سايىستىڭ باس ۇيىمداستىرۋشى شىعىس قازاقستان وبلىستىق جاستار رەسۋرستىق ورتالىعىنىڭ ديرەكتورى ارايلىم ەسىمبەكوۆا قاتىسۋشىلارعا قويىلاتىن تالاپتاردى ءتۇسىندىرىپ, ءادىل-قازىلار القاسىنىڭ مۇشەلەرىمەن تانىستىردى.
وبلىستىق بايقاۋدىڭ ءبىرىنشى ءبولىمى «اس ادامنىڭ ارقاۋى» دەپ اتالعاندىقتان, كەلىندەرىمىزگە ارناپ دالادا قوس اقشاڭقان كيىز ءۇي تىگىلدى. اۋلادا قازان وشاق پەن 13 ساماۋرىن ءتىزىلىپ قويىلدى. قوس كيىز ءۇيدىڭ بىرىندە كەلىندەر ۇيدەن ءپىسىرىپ اكەلگەن قازاقتىڭ ۇلتتىق تاعامدارىنان داستارحان ازىرلەندى. بۇنىڭ باعاسىن ادىلقازىلار انىقتاپ جاتتى. ەكىنشى كيىز ۇيدە ىستىق باۋىرساق ءپىسىرىپ, ونەرلەرىن كورسەتۋ ءۇشىن كەلىندەر ىسكە كىرىستى. ساماۋرىننان قازاقشا ءسۇت قوسقان ءشاي دەمدەپ, قۇيىپ بەرۋ دە, ونى ىزەتپەن ۇسىنۋ دا كەلىندەردىڭ موينىنا تۇسكەن ءبىر سىن بولدى. باۋىرساقتى پىسىرۋدەن العاشقى بوپ, زايسان اۋدانىنان كەلگەن اينۇر كاكەەۆا العا وزىپ شىقتى. بۇدان سوڭ ءار كەلىن ءوز قولدارىنان شىققان ۇلتتىق تاعامداردى تانىستىردى.
ءار ەلدىڭ سالتى باسقا دەمەكشى, كەلىندەر بارلىعى ءبىر وبلىستان بولسا دا, ءتىپتى اۋدانداردىڭ ىشىندە ۇمىتىلىپ بارا جاتقان ءاسىپ, بىلامىق, جونقۋىرداق سياقتى كوپتەگەن ۇلتتىق تاعامداردى كەرەمەت دايىندايتىندىعىمەن تاڭداي قاقتىردى,-دەدى شقو ءماسليحاتى دەپۋتاتىنىڭ قوعامدىق قابىلداۋ ءبولىمىنىڭ جەتەكشىسى بۇلبۇل باكينوۆا,-سونىمەن بىرگە, قوسپا, بالقايماق, تارى, قۇرت, ىرىمشىك ءسۇت ونىمدەرى دە ءاربىر داستارحاندا مولىنان تۇردى.
بۇدان سوڭ سايىس مادەنيەت ءۇيىنىڭ كونتسەرت زالىندا ءوتتى. بۇل بولىمدە كەلىندەر بويىنداعى اقىل وي, پاراساتتىلىعىن دالەلدەپ كورسەتتى. سونىمەن «وبلىستىق جاس كەلىن-2018» بايقاۋى مارەسىنە جەتىپ, بارلىق قاتىسۋشى كەلىنگە اباي اۋدانىنىڭ اكىمىنىڭ جەكە اتاۋلى سىيلىعى تابىستالدى. قوسىمشا ەلەكترلى ەت تارتقىش ماشيناسى سىيعا تارتىلدى. «سەمەي مەبەل» كومپانياسىنىڭ ديرەكتورى, جەكە كاسىپكەر انارحان تەمىربولاتقىزى ۇلاندىق رابيعا سەرجانقىزىنا ءۇي جيھازىنىڭ سەرتيفيكاتىن تابىس ەتتى. ارنايى ديپلوممەن كۋرچاتوۆ قالاسىنان كەلگەن كەلىن ايدانا جۇماعۇلوۆا ماراپاتتالدى. ءۇشىنشى ورىندى اباي اۋدانىنان ايجان ۇركىمباەۆا يەلەندى, وعان 50 مىڭ تەڭگە سىيلىعى تابىس ەتىلدى. ەكىنشى ورىن وسكەمەن قالاسىنان كەلگەن ايگەرىم بەكقىزىنا بۇيىردى. ال باس جۇلدە «اياۋلى جاس كەلىن - 2018» اتاعىن زايسان اۋدانىنا اينۇر كاكەەۆا جەڭىپ الىپ, 100 000 تەڭگە قارجىلاي ماراپاتقا يە بولدى.
راۋشان نۇعمانبەكوۆا
سۋرەتتەر اۆتوردىكى.
اباي اۋدانى, شىعىس قازاقستان وبلىسى.
