سۋرەت وسكەمەن قالاسى اكىمىنىڭ ءباسپاسوز قىزمەتىنەن الىندى
«بارلىق جۇرگىزۋشىلەر ترامۆايدى جۇرگىزىپ كورگىسى كەلەدى. قالاي جۇرەتىنىن, ايىرماشىلىعىن بايقاعىسى كەلەدى. ولار الماتىدان جەتكىزىلگەن ترامۆايلاردىڭ وزگەشىلىگى كوپ ەكەندىگىن ايتىپ جاتىر», - دەيدى «وسكەمەن كولىك كومپانياسى» جشس قوزعالىس قىزمەتىنىڭ باستىعى ولگا كيتاەۆا.
شاھار تۇرعىندارى دا قوعامدىق كولىكتىڭ ىسكە قوسىلعانىنا العىستارىن جەتكىزىپ جاتىر. ء«بىز ترامۆايلاردىڭ قايتادان جولعا شىققانىنا, پارك قىزمەتكەرلەرىنىڭ جۇمىسقا قايتا ورالعانىنا قۋانىشتىمىز. بۇل ترامۆاي – كەڭ, ادەمى ءارى تازا ەكەن. ارينە, ترامۆاي جۇرمەگەندە جۇمىسقا كەشىككەن كەزدەرىمىز دە بولدى», - دەيدى قالا تۇرعىنى شولپان ءابدىجاپاروۆا.
وسكەمەن اكىمى قۋات تۇماباەۆ قالاداعى ترامۆاي جولدارىنىڭ 6 شاقىرىمى كۇردەلى جوندەۋدى قاجەت ەتەتىنىن, پاركتىڭ الدا اتقارار جۇمىسى اۋقىمدى ەكەندىگىن ايتادى.
ازامات قاسىم,
«ەگەمەن قازاقستان»
وسكەمەن
