وندا ەلىمىزدەگى ايەلدەر كاسىپكەرلىگىن الەمدىك ەكونوميكانىڭ دامۋ دەڭگەيىنە شىعارۋ جايى تالقىلاندى. تەحنولوگيالاردىڭ دامۋى الەمدى ەكپىندى تۇردە وزگەرتۋدە. بۇل ءبىرىنشى كەزەكتە بيزنەسكە قاتىستى. تسيفرلى جۇيەگە كوشۋدى ەسكەرمەيتىن كاسىپكەرلەر كەلەشەكتە ەكونوميكانىڭ دامۋىنا ىلەسە المايدى. جاڭا جۇيەنىڭ دامۋ جاعدايىندا بيزنەستى قالاي قايتا قۇرۋعا بولادى؟ وعان ىسكەر ايەلدەر قاۋىمداستىعى قانداي ۇلەس قوسا الادى؟ جالپى, ايەلدەر قاۋىمى ۋاقىت تالابىنا قالاي دايىن بولۋى كەرەك؟ فورۋمدا, مىنە, وسى ماسەلەلەر كەڭىنەن تالقىلاندى.
شارانىڭ اشىلۋىندا اقپارات جانە كوممۋنيكاتسيالار ءمينيسترى داۋرەن اباەۆ ءسوز سويلەدى. ء«بىز تسيفرلاندىرۋ باعدارلاماسىندا باسقا ەلدەردەگى بارلىق تاجىريبەنى تاڭداپ الدىق. «تسيفرلى قازاقستان» باعدارلاماسىن جۇزەگە اسىرۋ ارقىلى ەلىمىز جاقسى جاققا وزگەرىپ, مۇلدە باسقا مەملەكەتكە اينالادى. مەملەكەت باسشىسى اتاپ وتكەندەي, ءتورتىنشى ونەركاسىپتىك رەۆوليۋتسيا تەحنولوگيالارىن قازاقستاندىق قاۋىمداستىقتىڭ بارلىق سالالارىنا تارتۋ ءبىزدىڭ مىندەتىمىز بولىپ تابىلادى», دەدى مينيستر.
د.اباەۆ وسى تۇستا ەلدەگى ءىرى ءارى ىقپالدى بىرلەستىكتەردىڭ بىرىنە اينالعان قازاقستاننىڭ ىسكەر ايەلدەرى قاۋىمداستىعىنىڭ ءرولىن دە ەرەكشە اتاپ ءوتتى. «ۇلكەن جەتىستىكتەرىنە قاراماستان, ايەلدەر كاسىپكەرلىگىندە ۇلكەن الەۋەت بار. ال الداعى تسيفرلاندىرۋ ءداۋىرى بۇل جاڭا مۇمكىندىكتەر بولىپ تابىلادى, سول سەبەپتى ول الەۋەتتەردى ءبىز جۇزەگە اسىرا الامىز دەپ سەنەمىن. ەكونوميكا سالالارىن تسيفرلاندىرۋ كاسىپكەرلىك سالاسى ءۇشىن ۇلكەن قىزىعۋشىلىق تۋدىرىپ وتىر. وسى باعىت اياسىندا ءبىز ەلەكتروندى ساۋداعا, سونىڭ ىشىندە اۋىلدىق جەرلەردەگى ساۋداعا باسىمدىق بەرەتىن بولامىز. قازىردىڭ وزىندە بۇل العاشقى ناتيجەلەرىن بەرىپ وتىر. وسى ورايدا, ەلەكتروندى ساۋدانىڭ دامۋىنا ىقپال ەتەتىندەي سالىق كودەكسىنە بىرقاتار وزگەرتۋلەر ەنگىزىلدى», دەگەن مينيستر ينتەرنەت-دۇكەندەر قۇرۋ بويىنشا ارنايى وقۋلار دا ۇيىمداستىرىلعانىن اتاپ ءوتتى. سونىمەن قاتار ەلەكتروندى تولەمدەر قابىلداۋدى ارتتىرۋ ءۇشىن ءموبيلدى تولەمدەردى جۇزەگە اسىرۋدىڭ وڭتايلاندىرىلعان مەحانيزمدەرىن ەنگىزۋدى ىنتالاندىرۋ ماسەلەسى قولعا الىنعانىن جەتكىزدى.
«تسيفرلى قازاقستان» باعدارلاماسىن جۇزەگە اسىرۋ ماقساتىندا مەملەكەت ەڭ الدىمەن اۋىلدارعا ينتەرنەت جەتكىزۋ ءۇشىن كولەمدى ينۆەستيتسيا سالۋعا ءازىر. تسيفرلى تەحنولوگيالار مەملەكەتتەردىڭ باسەكەگە قابىلەتتىلىگىنىڭ شەشۋشى فاكتورى بولىپ وتىر. جاڭا سىن-تەگەۋرىندەر ۋاقتىلى شەشىم قابىلداۋدى قاجەت ەتەدى. مىنە, سوندىقتان مەملەكەت باسشىسىنىڭ تاپسىرماسىمەن ءبىزدىڭ مينيسترلىك «تسيفرلى قازاقستان» اۋقىمدى باعدارلاماسىن جاساپ شىعاردى. اتالعان قۇجات ءبىزدىڭ ەلىمىزدىڭ قوعامدىق-ەكونوميكالىق تۇرعىداعى بارلىق سالاسىن قامتۋدى كوزدەپ وتىر. ونىڭ ماكروەكونوميكالىق اسەرى دە ايقىن بولماق», دەدى مينيستر. فورۋم جۇمىسىنا جالپى قازاقستاننىڭ تۇكپىر-تۇكپىرىنەن 300-دەن اسا كاسىپكەر, سولاردىڭ ىشىندە قاۋىمداستىقتىڭ «جاس قاناتتار» مۇشەلەرى, سونىمەن قاتار قازاقستان مەن شەتەلدەن كەلگەن 20 سپيكەر قاتىسۋدا. سولاردىڭ ىشىندە Muzan Group ديرەكتورى ديانا مۋزان (اقش), ساندىق ستراتەگيالار مەن يننوۆاتسيالار سالاسىنداعى ماركەتينگ ساراپشىسى مۇستافا يچيل (تۇركيا), نازارباەۆ ۋنيۆەرسيتەتى بيزنەس مەكتەبىنىڭ پروفەسسورى مارەك يوحەتس (چەحيا), «قازاقتەلەكوم» اق باسقارۋشى ديرەكتورى بيكەش كۋرمانگاليەۆا, Iت-تەحنولوگيالار سالاسىنداعى ساراپشى باعدات مۋسين جانە باسقالار بار.
شارا شەڭبەرىندە حالىقارالىق جانە قازاقستاندىق جەتەكشى ساراپشىلار شەبەرلىك ساباقتار, ترەنينگتەر جۇرگىزدى جانە «قازاقتەلەكوم» اق-تىڭ بيزنەسكە ارنايى ۇسىنىپ وتىرعان پلاتفورماسى www.ismet.kz سايتى تانىستىرىلدى.
دينارا بىتىك,
«ەگەمەن قازاقستان»
