سۋرەتتى تۇسىرگەن ايدىن نۇرشانوۆ
بەستىباەۆتار اۋلەتى وتباسىنداعى ەكىنشى بالاعا مۋسليما دەگەن ادەمى ات قويىپ, ەل اعالارىنان باتا العان...
مۋسليما جاقىندا 1 جاسقا تولدى. اياعىن اپىل-تاپىل باسقان ءسابيدىڭ تۇساۋىن كەسىپ, بابا داستۇرىمەن ىرىمىن جاساعان سامات پەن ديانا ەل نازارىنداعى قىزدارىنىڭ جەلەكتەي جايقالىپ, ەركەلەپ ءوسىپ جاتقانىن ايتادى. مۋسليمانى تۋعان كۇنىمەن ارنايى قۇتتىقتاپ بارعان تالدىقورعان قالاسى اكىمىنىڭ ورىنباسارى مارلەن كولباەۆ بالدىرعاننىڭ تۇساۋىن كەسۋ قۇرمەتىنە يە بولعان ەكەن. مارلەن دە ەلگە سىيلى, ونەگەلى اكە. جاقىندا ونىڭ وتباسىندا سەگىزىنشى بالاسى دۇنيەگە كەلگەن-ءدى. مۋسليماعا بازارلىعىن ۇسىنعان اكىمنىڭ ورىنباسارى ءسابيدىڭ دەنىنە ساۋلىق تىلەپ, جەرگىلىكتى بيلىك تاراپىنان قازاقستاننىڭ 18 ميلليونىنشى تۇرعىنىنا ەرەكشە قامقورلىق كورسەتىلەتىنىن جەتكىزدى. ايتپاقشى بىلتىر وبلىس اكىمى اماندىق باتالوۆ جاس وتباسىنا 3 بولمەلى پاتەر بەرەتىنىن ايتقان ەدى. ۋادە ورىندالىپ, قازىر مۋسليما سۋ جاڭا ۇيدە ءوسىپ جاتىر.
مۋسليما بالدىرعانداردىڭ مەرەكەسى – بالالاردى قورعاۋ كۇنىن بيىل ەكىنشى رەت قارسى الىپ وتىر. بىلتىرعىدان بيىلعى مەيرام قىزىقتى بولاتىن ءتۇرى بار. ويتكەنى ول قازىر ءوز اياعىمەن ءجۇرىپ, وڭ-سولىن تانىپ قالدى. مەرەكەڭمەن, مۋسليما!
قالماحانبەت مۇقامەتقالي,
«ەگەمەن قازاقستان»
الماتى وبلىسى
