بيىل وڭتۇستىك قازاقستان وبلىسى ماقتاارال اۋدانى ديقاندارىنىڭ جۇمىس قارقىنى ەرەكشە بولىپ تۇر. اۋداندا 138 000 گەكتار ەگىستىك القابى بولسا, سونىڭ 86 820 گەكتارىنا ماقتا ءشيتى, قالعان 27 064 گەكتارعا باقشا, 3997 گەكتارعا كوكونىس داقىلدارى ەگىلگەن.
اگروتەحنيكالىق جۇمىستاردى تالاپقا ساي جۇرگىزۋدىڭ ناتيجەسىندە ءونىم ويداعىداي شىعىپ, ءتىپتى ەرتە پىسەتىن قاربىز جينالا باستادى. ماقتاارالدىق شارۋالار ەرتە پىسەتىن قاربىزدى رەسەيگە ەكسپورتقا جونەلتىپ تە ۇلگەردى.
– باعاسى كوڭىلگە قونىمدى. قاربىزدىڭ ءار كيلوسىن دانەكەر كاسىپكەرلەر 400 تەڭگەدەن ساتىپ الىپ جاتىر. ديقانداردىڭ ەڭبەگى اقتالۋدا, – دەيدى ماقتاارال اۋدانىنىڭ اكىمى جامانتاي بەيسەنباەۆ.
اسقار ومارحانوۆ
وڭتۇستىك قازاقستان وبلىسى,
ماقتاارال اۋدانى
