جاز بويى بالالار حالقىمىزدىڭ مادەنيەتى مەن ءتىلىن, ونەرىن, سالت-ءداستۇرى,تۇرمىسىمەن تانىسادى. ۇيىرمەلەر مەن شەبەرلىك ساباقتارىندا كيىز ءۇيدى قۇرۋ, ۇلتتىق اشەكەيلەر مەن كادەسىي جاساۋ, ءجۇن ءتۇتۋ, قۇراق قۇرۋ, ءتۇرلى بۇيىمدار توقۋعا جاتتىعىپ, ات بايگەسى, ساداق اتۋ, اسىق ويناۋ, توعىزقۇمالاق سىندى ويىندار, ۇلتتىق تاعامدار ازىرلەۋدى ۇيرەنەدى. وقۋشىلار ەلىمىزدىڭ, ءوڭىردىڭ كيەلى ورىندارىنا ەكسكۋرسيا جاسايدى. ولاردى تىلدىك, تۋريستىك-ولكەتانۋ, ەتنومادەني, زياتكەرلىك, ەكولوگيالىق, شىعارماشىلىق سىندى ءتۇرلى سالالىق لاگەرلەر قارسى الادى.
وبلىستىق ءبىلىم بەرۋ باسقارماسىنىڭ مالىمەتىنشە, وڭىردە مەكتەپ وقۋشىلارىنىڭ جازعى دەمالىسىن ۇيىمداستىرۋ ءۇشىن وبلىستىق بيۋدجەتتەن 285,5 ميلليون تەڭگە ءبولىنىپتى. اۋدان-اۋىلدارداعى لاگەرلەردە 15 كۇنگە بەلگىلەنگەن ساۋىقتىرۋ ورىندارى ءۇش اۋىسىم بويىنشا جۇمىس ىستەيدى. جازعى لاگەرلەرگە 1-10 سىنىپتاردا وقيتىن 97 مىڭنان استام وقۋشى, مەكتەپ الدى لاگەرلەردە 43 مىڭنان استام وقۋشى دەمالادى.
باسقارمانىڭ مالىمەتىنشە, قازىرگى ۋاقىتتا لاگەرلەردە دايىندىق جۇمىستارى جۇرگىزىلۋدە. ولاردىڭ بالالاردى قابىلداۋعا دايىندىعىن وڭىردەگى توتەنشە جاعدايلار دەپارتامەنتى جانە قوعامدىق دەنساۋلىق ساقتاۋ باسقارماسىنىڭ ماماندارى تەكسەرەدى. جازعى دەمالىستى ۇيىمداستىرۋدا اتا-اناسىز جەتىم بالالار, الەۋمەتتىك جاعىنان از قامتاماسىز ەتىلگەن وتباسىلاردىڭ بالالارى وقىتۋ قورى ەسەبىنەن قامتىلادى.
فاريدا بىقاي,
«ەگەمەن قازاقستان»
