بۇعان مەديتسينا سالاسىنا ەنگىزىلگەن زاماناۋي تەحنولوگيا جانە شەتەلدىك عالىمدارمەن تىعىز جۇمىس ىستەۋدىڭ ارقاسىندا قول جەتىپ وتىر. مۇنداي حيرۋرگيالىق ەمدىك شارالارى سوزىلمالى جۇرەك جەتىسپەۋشىلىگى كەزىندە اسا قاجەت. بۇگىندە ەلىمىزدە جۇرەككە دونور تاپشى.
مامانداردىڭ ايتۋىنشا, ءدال وسى وپەراتسيالار ناۋقاسقا دونور تابىلعانعا دەيىن ءومىر سۇرۋىنە مۇمكىندىك بەرەدى. قازىر وسى تاقىرىپتا قالادا حالىقارالىق كونفەرەنتسيا ءوتىپ جاتىر. وعان ەلىمىزبەن قاتار جاپونيا, تۇركيا, ءۇندىستان, پاكىستان مەملەكەتتەرىنىڭ ۇزدىك دەگەن كارديولوگ ماماندارى قاتىسۋدا.
ايتا كەتۋ كەرەك, بۇگىندە وڭىردە 250-گە جۋىق ادام كارديوەسەپتە تۇر.
«جاساندى جۇرەك جۇمىس ىستەپ تۇرعان 3-5 جىلدىڭ ىشىندە دونور تابىلىپ قالسا ادامنىڭ جۇرەگىنە الماستىرۋعا بولادى. بۇل ادامدار كادىمگىدەي ءجۇرىپ, دالاعا شىعىپ, جەڭىل جۇمىستاردى اتقارۋىنا مۇمكىندىك بەرەدى. ءتىپتى ماشينا, موتوتسيكل جۇرگىزىپ جۇرگەندەرى دە بار. بۇل ۇلكەن جەتىستىك دەپ ويلايمىز. ءالى دە الدىعا قويعان ماقسات, ىستەيتىن ىستەر كوپ», - دەيدى عىلىمي-كلينيكالىق كارديوحيرۋرگيا جانە ترانسپلانتولوگيا ورتالىعىنىڭ ديرەكتورى سەيىتحان جوشىباەۆ.
