ديرەكتوردىڭ اقپاراتىنشا, قولداۋ كورسەتۋدە نەگىزگى ماسەلەنىڭ ءبىرى – وتاندىق تاۋار وندىرۋشىلەردى قولداۋ: اكىمدىك قاۋلىسىمەن جەرگىلىكتى قامتۋ ۇلەسىن باقىلاۋ كوميسسياسى قۇرىلدى. 2017 جىلدىڭ قورتىندىسى بويىنشا 5,7 ملرد. تەڭگە كولەمىندەگى يمپورتتىق تاۋار قولدانعان 12 ەرەجە بۇزۋشىلىق انىقتالدى. بۇگىندە پالاتا سايتىندا مەملەكەتتىك ساتىپ الۋلار مەن «سامۇرىق قازىنا كونتراكت» اق ساتىپ الۋلارىنىڭ جىلدىق جوسپارى سالىنعان.
قالادا 3970 كاسىپورىن وڭدەۋ ونەركاسىبىمەن اينالىسادى. كاسىپكەرلەر پالاتاسى ونىڭ ىشىندە 7 سالا بويىنشا 232 كاسىپورىنعا تولقۇجاتتاۋ جۇرگىزدى. ونىڭ قورىتىندىسى بويىنشا تۇيتكىلدى ماسەلەلەر مەن ۇسىنىستار دايىنداۋ ساراپتالادى. مونيتورينگتە انىقتالعان وزەكتى ماسەلەلەر: 98 كومپانياعا اينالدىراتىن قاراجات جەتپەيدى (42%), 58 كومپانيادا ءونىمدى وتكىزۋ نارىعى جوق (25%), 22 كومپانيادا شيكىزات از (9,5%) جانە 3 كومپانيادا بىلىكتى مامان تاپشى (1,3%). تولقۇجاتتالعان كاسىپورىنداردىڭ ورتاشا اۋىرتپالىعى – 54%.
كاسىپورىندارعا جۇرگىزىلگەن مونيتورينگ يمپورتتى الماستىرۋعا جاتاتىن تاۋارلاردى بەلگىلەۋگە مۇمكىندىك بەردى. وعان 300-دەن استام تاۋار ءتۇرى ەندى. الماتىدا تاۋار يمپورتى 7,3 ملرد اقش دوللارىن قۇرايدى. وعان اۆتوكولىك مايى, دارىلىك زاتتار, تەلەفون اپپاراتتارى, كومپيۋتەرلىك تەحنيكا, ءتۇرلى سورعىشتار, جيھازدىق فۋرنيتۋرا جاتادى. بۇل باعىتتا پالاتانىڭ ارەكەتى – وتكىزۋ نارىعىن ىزدەۋگە كومەك كورسەتۋ, كاسىپكەرلەرگە سىرتقى جانە ىشكى نارىقتا قولداۋ كورسەتۋ.
پاسپورتتاۋ قورىتىندىسى بويىنشا 58 كاسىپورىنعا ءونىم وتكىزۋدە كومەكتەسۋ, ونىڭ ىشىندە 29 كومپانياعا ەكسپورتقا شىعۋعا جاردەمدەسۋ جوسپارلانعان. بۇل جوسپار بويىنشا ءونىم 21 پايىزعا ارتادى, - دەپ ءسوزىن قورىتىندىلادى باعدات عازيز ۇلى.
ايناش ەسالي,
«ەگەمەن قازاقستان».
الماتى
