جۋرناليستيكانىڭ «ۇلتتىق رەپورتاج» نوميناتسياسى بويىنشا The New Work Times جانە The Washington Post گازەتتەرى پۋليتتسەر سىيلىعىنىڭ يەگەرى اتاندى. بۇل باسىلىمدار اقش پرەزيدەنتى دونالد ترامپتىڭ پرەزيدەنتتىك سايلاۋ كومپانياسى مەن رەسەيدىڭ بايلانىسى جونىندەگى ماقالالارى ءۇشىن ماراپاتتالدى.
The New York Times گازەتىنىڭ جۋرناليستەرى Jodi Kantor and Megan Twohey جانە The New Yorker ءجۋرناليسى Ronan Farrow «قوعامعا قىزمەت كورسەتۋ» نوميناتسياسىمەن ماراپاتتالدى. ولار گولليۆۋدتىڭ اتاقتى پروديۋسەرى Harvey Weinstein-گە قاتىستى جىنىستىق بوپسالاۋ مەن زورلىق زومبىلىققا قاتىستى زەرتتەۋگە قوسقان ۇلكەن ۇلەستەرى ءۇشىن ماراپاتتالدى.
حالىقارالىق رەپورتاج اتالىمى بويىنشا Reuters اگەنتتىگى ماراپاتقا يە بولدى.
ال مۋزىكا سالاسى بويىنشا «DAMN» البومى ءۇشىن رەپەر Kendrick Lamar ماراپاتتالدى. ول ءوز انىندە افروامەريكالىقتاردىڭ تۇرمىسىن شىنايى سۋرەتتەگەن.
ال ۇزدىك سۋرەت نوميناتسياسىن روحيندجا مۇسىلماندارىنىڭ قيىن جاعدايىن كورسەتە بىلگەنى ءۇشىن Reuters اگەنتتىگى ماراپاتتالدى.
ەڭ ۇزدىك اقپاراتتىق سۋرەت نوميناتسياسى بويىنشا Ryan Kelly-ءدىڭ (The Daily Progress) 12 تامىز 2017 جىلى Charlottesville, Va-دا بولعان ۇلتشىلداردىڭ كوتەرىلىسى كەزىندە تۇسىرگەن سۋرەتى ماراپاتتالدى.
پۋليتتسەر سىيلىعى جىل سايىن 21 نوميناتسيا بويىنشا, ونىڭ ىشىندە ادەبيەت, جۋرناليستيكا جانە تەاتر سالالارىنداعى امەريكالىق ەڭ مارتەبەلى سىيلىقتاردىڭ ءبىرى. بۇل سىيلىق 1917 جىلدان باستاپ بەرىلەدى. سىيلىق ۆەنگر-ەۆرەي گازەت ماگناتى, 1911 جىلى قايتىس بولعان دجوزەف پۋليتتسەر قالدىرعان قور نەگىزىندە تاعايىندالادى.
ءمادينا جالەلقىزى,
«ەگەمەن قازاقستان»
