سپورت مەرەكەسىنە زاۋىتتىڭ «مەتاللۋرگ» سپورت كلۋبىنىڭ جاس تاربيەلەنۋشى سپورتشىلارى ەرەكشە دايىندىقپەن كەلدى. زاۋىت كاسىپوداق كوميتەتىنىڭ باسشىسى ن. سۋحوتەرينننىڭ ايتۋىنشا, سپورت مەرەكەسى وتكىزىلىپ كەلە جاتقان 10 جىلعا تاياۋ ۋاقىتتا 5 مىڭداي جاس سپورتشى قالاداعى جارىس الاڭدارىندا سپورتتىڭ ءار تۇرىنەن قاتىستى. جاس جانكۇيەرلەر ودان دا كوپ.
بيىلعى كوكتەمگى سپورت جارىستارى تاعى دا سونداي مەرەكەلىك كوڭىل كۇيمەن ءوتتى. كىشى جاستاعى سپورشى بالالار اراسىندا بارناۋلدان كەلگەن كوماندا جەڭىسكە جەتتى. ەكىنشى ورىنعا اقسۋلىق «مەتاللۋرگ», ال ءۇشىنشى ورىندى سلاۆگورود قالاسىنىڭ سپورتشالرى يەلەندى. زاۋىتتىڭ «مەتاللۋرگ» سپورت كلۋبىنىڭ, ەكىباستۇزدىق فۋتبولشىلار جاقسى ويىن كورسەتتى. باسكەتبول, ۆولەيبول, فۋتبول ويىندارىندا جەرگىلىكتى سپورتشى جاسوسپىرىمدەرمەن بىرگە, سلاۆگورودتىق, اقمولا وبلىسى, ەكىباستۇزدىق كوماندالار جاقسى ويىن كورسەتە ءبىلدى.
ۆولەيبول الاڭىندا پاۆلودارلىق وليمپيادالىق رەزەۆرتەگى جاستار مەكتەبىنىڭ ۆولەيبولشىلارى جەڭىسكە جەتتى. قىزدار اراسىندا ۆولەيبول جارىسىندا وسكەمەندىك كوماندا العا شىقتى. اقسۋلىق تەننيسشىلەر دە توپ جاردى. بارلىق جەڭىمپازدار IX حالىقارالىق سپورت فەستيۆالىنىڭ ديپلومدارىمەن, سىيلىقتارىمەن ماراپاتتالدى.
فاريدا بىقاي,
«ەگەمەن قازاقستان»
پاۆلودار وبلىسى, اقسۋ قالاسى
سۋرەتتى تۇسىرگەن يرينا سىچينا
