مەملەكەت باسشىسىنىڭ ء«تورتىنشى يندۋستريالدى رەۆوليۋتسيا جاعدايىندا دامۋدىڭ جاڭا مۇمكىندىكتەرى» اتتى قازاقستان حالقىنا جولداۋى, سونداي-اق «بەس الەۋمەتتىك باستامالارى» بىرقاتار تاپسىرمالاردى العا قويدى. اتالمىش نۇسقاۋلاردى ورىنداۋ قارجىلىق قولداۋدى تالاپ ەتەدى. وسىعان بايلانىستى مەملەكەتتىك كىرىس ورگاندارىنا جەرگىلىكتى بيۋدجەتتىڭ كىرىستەرىن تولىقتىرۋ مىندەتى قويىلعان.
اقتاۋ قالاسىنىڭ گەواقپاراتتىق كارتاسى مەملەكەتتىك قالا قۇرىلىسى كاداسترىنىڭ جانە سالىق ورگاندارىنىڭ جۇيەلەرىن بىرىكتىرۋ ءۇشىن قۇرىلادى. سول ارقىلى سالىق تولەۋشىلەردىڭ قىزمەتىن باقىلاپ, سالىق تۇسىمدەرىن ارتتىرۋعا مۇمكىندىك بەرەدى.
-قازىرگى تاڭدا وبلىستىڭ بارلىق دەڭگەيىنەن تۇسەتىن تۇسىمدەر 180 ملرد. تەڭگەنى قۇرايدى, بۇل وتكەن جىلدىڭ سايكەس كەزەڭىمەن سالىستىرعاندا 54,5 ملرد. تەڭگەگە ارتىق. بۇعان دەيىن بيۋدجەتتىڭ كىرىس بولىگىن ىسكە اسىرۋدىڭ ناتيجەلەرى بويىنشا ءبىز رەسپۋبليكا رەيتينگىسىندە سوڭعى ورىندا تۇرساق, اعىمداعى جىلدىڭ 1-توقسانىنىڭ اياعىندا 1-ورىنعا جايعاستىق.
اعىمداعى جىلدىڭ ءبىرىنشى توقسانىنداعى بيۋدجەت ءتۇسىمىنىڭ ءوسۋ قارقىنى 16 پايىزدى قۇرادى, بۇل وتكەن جىلمەن سالىستىرعاندا 13,4 ميلليارد تەڭگەگە ارتىق. مۇنداي ديناميكا بيىلعا جوسپارلانعان بولجامدى ورىنداۋعا عانا ەمەس, ونى اسىرا ورىندايتىنىنا سەنىمدىمىن. مەملەكەتتىك كىرىس باسقارماسى بۇل جۇمىستى قامتاماسىز ەتۋى كەرەك, دەدى وبلىس اكىمى ەرالى توعجانوۆ.
دۇنيەجۇزىلىك ساۋدا ۇيىمىنىڭ نورمالارىنا جانە حالىقارالىق ستاندارتتارعا سايكەس, اعىمداعى جىلدىڭ 1 ساۋىرىندە ەلىمىزدىڭ بارلىق اۋماعىندا «استانا-1» ەلەكتروندىق كەدەندىك دەكلاراتسيالاۋدىڭ اقپاراتتىق جۇيەسى ەنگىزىلدى, بۇل مەملەكەت باسشىسىنىڭ ەكونوميكالىق سەكتورلاردى تسيفرلاندىرۋ بويىنشا اعىمداعى ساياساتىنىڭ ەلەمەنتتەرىنىڭ ءبىرى.
2017 جىلدىڭ 1 قازانىنان باستاپ «استانا-1» جۇيەسىنىڭ ءبىرىنشى كومپونەنتى قازاقستان رەسپۋبليكاسىنىڭ اۋماعىندا ىسكە قوسىلدى.
ەندى ترانزيتتىك دەكلاراتسيا بەرۋدىڭ ورتاشا ۋاقىتى 4-7 مينۋتتى قۇرايدى. بۇل بۇرىنعىعا قاراعاندا سەگىز ەسە جىلدام. اعىمداعى جىلدىڭ 3 قاڭتارىندا «استانا-1» اج «تاۋارلار ەكسپورتى» كەدەندىك راسىمىمەن ىسكە قوسىلدى. ەگەر بۇرىن تىركەلۋ كەزىندە شامامەن 2 ساعات جۇمسالسا, قازىر تىركەۋ ۋاقىتى 3-5 سەكۋندتان اسپايدى, بۇل ەاەو كەدەندىك اۋماعىنان تاۋارلاردى ەكسپورتتاۋ پروتسەسىن 97% -عا جەدەلدەتتى.
-«استانا-1» اقپاراتتىق جۇيەسىنىڭ ءۇشىنشى كەزەڭىنە كىرۋ اۆتوماتتى تۇردە تىركەلۋگە عانا ەمەس, سونداي-اق «جاسىل» دالىزدە دەكلاراتسيا شىعارۋعا دا مۇمكىندىك بەرەدى, بۇل كەدەندىك ىستەر دەپارتامەنتى مەن كەدەندىك راسىمدەۋ مامانى اراسىنداعى تىكەلەي بايلانىستى بولدىرماۋعا مۇمكىندىك بەرەدى. جاسىل ءدالىز بويىنداعى تاۋارلارعا دەكلاراتسيالاردى وڭدەۋ جانە شىعارۋ ۋاقىتى 1 مينۋتتان اسپايدى. بۇرىن مۇنداي راسىمدەر 50 مينۋتقا دەيىن سوزىلاتىن», - دەدى مەملەكەتتىك كىرىستەر دەپارتامەنتىنىڭ باسشىسى الىبەك تىلەگەنوۆ.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
