ايماقتار • 01 ءساۋىر, 2018

الماتى وبلىسىندا كەلەسى جىلى كارتوپ وڭدەۋ زاۋىتى سالىنادى

320 رەت
كورسەتىلدى
2 مين
وقۋ ءۇشىن

استانادا «Kazakh Invest» ۇك-دا نيدەرلاندىق Farm Frites كومپانياسىنىڭ باسشىلىعى سايمون كۋيست پەن يوس دەن بوەردىڭ پرەمەر-ءمينيستردىڭ ورىنباسارى — اۋىل شارۋاشىلىعى ءمينيسترى ومىرزاق شوكەەۆپەن, ينۆەستيتسيالار جانە دامۋ ۆيتسە-ءمينيسترى ارىستان قابىكەنوۆپەن جانە «اگرارلىق نەسيە كورپوراتسياسى» وكىلدەرىمەن الماتى وبلىسىندا كارتوپ وڭدەۋ زاۋىتىن اشۋ ماسەلەسى بويىنشا بىرقاتار كەزدەسۋى ۇيىمداستىرىلدى.

الماتى وبلىسىندا كەلەسى جىلى كارتوپ وڭدەۋ زاۋىتى سالىنادى

مەملەكەت باسشىسىنىڭ وڭدەۋ سەكتورىنا ون ترانسۇلتتىق كومپانيانى تارتۋ بويىنشا بەرگەن تاپسىرماسىنا سايكەس, Kazakh Invest Farm Frites كومپانياسىنىڭ «كارتوپ وڭدەۋ زاۋىتىن سالۋ» ينۆەستيتسيالىق جوباسىن سۇيەمەلدەيدى.

وتكەن جىلى Farm Frites كارتوپ سۇرىپىن سىناۋ جۇمىستارىن جۇرگىزدى جانە جوبانى ىسكە اسىرۋ ايماعى رەتىندە الماتى وبلىسى انىقتالدى. قازىرگى تاڭدا Kazakh Invest جەر تەلىمىن الۋعا جانە باسقا دا كونسالتينگتىك قىزمەتتەردى بەرۋ ارقىلى كومەك كورسەتىپ جاتىر.

وسىلايشا, جىلىنا 70 مىڭ توننا ەليتالىق كارتوپتىڭ 11 سۇرىپىن وسىرۋگە ارنالعان ورتالىق سالۋ كوزدەلگەن. زاۋىت قۇرىلىسى 2019 جىلدىڭ ءساۋىر ايىنا جوسپارلانعان. جوبانىڭ جالپى قۇنى — $165 ملن.

اتالعان ماسەلەلەر «Kazakh Invest» ۇك» اق باسقارما توراعاسى ساپاربەك تۇياقباەۆپەن جانە ينۆەستيتسيالىق جوبانىڭ قازاقستاندىق سەرىكتەسى رەتىندە قىزمەت كورسەتەتىن «Eurasia Gold» جشس-مەن وتكەن كەزدەسۋ بارىسىندا تالقىلانعان.

Farm Frites كومپانياسى 1971 جىلى نيدەرلاندىدا توڭازىتىلعان جانە سالقىنداتىلعان كارتوپ ونىمدەرىن شىعاراتىن وتباسىلىق كاسىپورىن رەتىندە قۇرىلعان. ترانسۇلتتىق كومپانيادا الەمنىڭ 40 ەلىندە ساتۋ وفيستەرى جانە 1500 قىزمەتكەرى بار 6 زاۋىتى قىزمەت كورسەتەدى. كارتوپتى وڭدەۋ جىلىنا 1,3 ملن توننانى قۇرايدى. كومپانيانىڭ زاۋىتتارى مەن ساتۋ وفيستەرى الەمنىڭ 80 ەلىنە ونىمدەردى ەكسپورتتاۋعا مۇمكىندىك بەرەدى. ماركا ەۋروپاداعى ءۇش ءىرى ەۋروپالىق وندىرۋشىلەردىڭ ءبىرى.

انىقتاما: Kazakh Invest مەملەكەت باسشىسىنىڭ تاپسىرمالارىن ورىنداۋ اياسىندا دۇنيەجۇزىلىك بانكپەن بىرلەسىپ 2018–2022 جىلدارعا ارنالعان ۇلتتىق ينۆەستيتسيالىق ستراتەگيانى ازىرلەدى. جۇمىس ءۇش باعىت بويىنشا جۇزەگە اسىرىلادى: ينۆەستيتسيالىق احۋالدى جاقسارتۋ; ءتيىمدى وپەراتسيالىق شارالاردى ىسكە اسىرۋ جانە ينۆەستيتسيالاردى تارتۋدىڭ جاڭا تاسىلدەرىن ازىرلەۋ; جەكەشەلەندىرۋ جانە ءمجا.

ۇلتتىق ستراتەگيادا شەتەلدىك ينۆەستيتسيالاردى (اوك, ماشينا جاساۋ, حيميا جانە مۇناي حيمياسى, ينفراقۇرىلىم, تاۋ-كەن جانە مەتاللۋرگيا كەشەنى, ساۋدا) تارتۋدىڭ باسىمدىقتى سالالارى جانە ۇلەسىنە ينۆەستيتسيالاردىڭ 80%-نە دەيىن كەلەتىن 11 باسىمدىقتى ەل (اقش, رف, ۇلىبريتانيا, گەرمانيا, فرانتسيا, يتاليا, قحر, جاپونيا, وڭتۇستىك كورەيا, تۇركيا, ءباا) انىقتالعان.

سوڭعى جاڭالىقتار

«سپارتاك» تاعى دا جەڭىلدى

سپورت • بۇگىن, 11:55

بۇگىن اۋا رايى قانداي بولادى؟

اۋا رايى • بۇگىن, 10:42

جاڭا جوبا – قوعام تالقىسىندا

رەفورما • بۇگىن, 09:20