م.قىناتوۆ سۋدىڭ ءجۇرۋىن دۇرىس بولجاۋعا مۇمكىندىك بەرەتىن جاڭا تسيفرلىق جۇيەسىن ۇسىندى. سونىمەن قاتار, اقتوبە وبلىسىنداعى توڭنىڭ قالىڭدىعى مەن ءىرى وزەندەردەگى مۇزدىڭ جۇرمەۋى الداعى ۋاقىتتا سۋ تاسقىنىنا سەبەپ بولۋى مۇمكىن دەپ اتاپ ءوتتى.
«28 ناۋرىزداعى جاعداي بويىنشا وبلىس اۋماعىنىڭ 47% ءالى قار بار. مىسالى, 2017 جىلدىڭ 8 ساۋىرىنەن باستاپ 19 ساۋىرگە دەيىن, ياعني, 11 كۇننىڭ ىشىندە قار تولىق ەرىپ كەتتى. بيىل دا اۋا رايى كۇرت وزگەرەدى. كەلەسى اپتادا اۋا تەمپەراتۋراسى نولدەن تومەندەپ, 6 ساۋىردەن باستاپ 12 گرادۋس جىلى بولادى. بىراق ءتۇن سالقىن. بۇل قاردىڭ بىرتە-بىرتە ەرىتۋگە ىقپال ەتەدى», - دەدى مارات قىناتوۆ.
كەزدەسۋ كەزىندە وبلىس باسشىسى ناقتى بولجامداردى ۇسىنۋدى سۇرادى. ايتا كەتسەك, وتكەن جىلى سۋعا كەتىپ, جالعىز باسپاناسىنان ايىرىلعان اقتوبەلىكتەر بيىل دا ۇرەي ۇستىندە وتىر. سۋ تاسقىنى ماۋسىمىنا دايىندىق كەزىندە ارنايى جەدەل شتاب قۇرىلىپ, ءۇزىلىسسىز قوڭىراۋلار قابىلداۋدا. سوڭعى ون كۇندە بارلىعى 600-دەن استام ادام قوڭىراۋ شالىپ, كومەك سۇراعان.
