تاريحقا كوز جۇگىرتسەك, 1988 جىلدان الماتى قالاسىندا, رەسپۋبليكانىڭ كوپتەگەن اۋداندارىندا ناۋرىز جالپىحالىقتىق مەيرام رەتىندە العاش تويلانا باستادى.
ال 1991 جىلى ەلباسىنىڭ جارلىعىمەن جالپىادامدىق قۇندىلىقتاردى ورنىقتىرۋ, سونداي-اق ادام مەن تابيعاتتىڭ ۇيلەسىمىنە قول جەتكىزۋ, ونىڭ شىنايى يماندىلىق رۋحىندا ىزگىلىكتى تازارۋى ماقساتىندا حالىقتىق مەرەكە رەتىندە مەملەكەتتىك مارتەبەگە الدى.
سودان بەرگى ۋاقىتتا ۇلىق مەرەكەمىز – ءاز-ناۋرىز رەسپۋبليكا حالىقتارىنىڭ دوستىعى مەن باۋىرلاستىعىن نىعايتۋ, سونداي-اق ەجەلگى حالىق داستۇرلەرىن جانداندىرۋ جولىندا وزىندىك ەرەكشە سيمۆوليكالىق مانگە يە بولدى.
«قازاقستان رەسپۋبليكاسىندا مەرەكەلەر تۋرالى» زاڭعا 2009 جىلى ەنگىزىلگەن وزگەرىستەرگە سايكەس, بۇل مەيرام 21-23 ناۋرىز كۇندەرى, ياعني ءۇش كۇن تويلانىپ كەلەدى.
ناۋرىز – تەك قانا جەر-انانىڭ ەمەس, ەل-انانىڭ دا ەگەمەندىك رۋحپەن ارايلاپ اتقان ءاربىر تاڭىنىڭ جاڭارۋ, جاڭعىرۋ مەزگىلى دەر ەدىك.
لايىم سولاي بولعاي!
