كەڭەس بارىسىندا وقىتۋ پروتسەسىنىڭ بارلىق كەزەڭىندە, ەلىمىزدىڭ مەكتەپكە دەيىنگى مەكەمەلەرىنەن باستاپ جوعارى وقۋ ورىندارىنا دەيىن ەلەكتروندى ءبىلىم بەرۋ جۇيەسىن ەنگىزۋ ماسەلەسى تالقىلاندى.
قازىرگى تاڭدا 13 قالادا جانە ءبىر وبلىستا ەلەكتروندى اينالىم ارقىلى بالاباقشالارعا كەزەككە قويۋ جانە باعىت بەرۋ جۇيەسى ەنگىزىلىپ جاتىر. ورتا ءبىلىم بەرۋدە مەملەكەتتىك-جەكەشەلىك ارىپتەستىك اياسىندا ەلەكتروندىق جۋرنالدار مەن كۇندەلىكتەر جۇيەسى جۇمىس ىستەي باستادى. كاسىپتىك جانە جوعارى ءبىلىم بەرۋدە كوپ دەڭگەيلى اقپاراتتىق «جوعارى ءبىلىم بەرۋدى باسقارۋدىڭ بىرىڭعاي جۇيەسى» ەنگىزىلۋدە. ۇلتتىق ءبىلىم بەرۋ دەرەكقورىن مەملەكەتتىك ورگانداردىڭ اقپاراتتىق جۇيەلەرىمەن بىرىكتىرۋدى 01.09.2018 دەيىن جۇزەگە اسىرۋ كوزدەلگەن.
جۇيەنى تسيفرلاندىرۋ جەكە سايكەستەندىرۋ ءنومىرى بويىنشا بالانىڭ بىرىڭعاي ەلەكتروندى دەرەكتەر بازاسىن قۇرۋعا مۇمكىندىك بەرەدى. كەلەشەكتە ءبىلىم دەڭگەيىنە (بالاباقشالار, مەكتەپتەر, كوللەدجدەر, جوو-لار) قاتىستى پروتسەستەر ءبىلىم بەرۋدىڭ ءار كەزەڭىندە قوسىمشا قۇجاتتار مەن انىقتامالاردى جيناۋ قاجەتتىگىنسىز, ەلەكتروندى تۇردە جۇزەگە اسىرىلاتىن بولادى.
