ازداعان ۋاقىتتىڭ ىشىندە اتالمىش تۋىندى وتاندىق جانكۇيەرلەر اراسىندا ەرەكشە تانىمالدىلىق جيناپ, ارتىنشا وسى انگە بەينەبايان تۇسىرىلگەن بولاتىن. بۇگىن وسى بەينەباياننىڭ تۇساۋى Gakku ارناسىنىڭ ەفيرىندە كەسىلدى. بەينەباياننىڭ ءبىر قىزىعى ءاندى تانىمال انشىلەردەن بولەك, «استانا» فۋتبول كلۋبىنىڭ نەگىزگى ويىنشىلارى - ابزال بەيسەبەكوۆ, دميتري شومكو, يۆان ماەۆسكي, نەناد ەريچ, لاسلو كلياينحايسلەر, پاتريك تۆۋماسي جانە دجۋنيور كابانانگالاردىڭ قوسىلا شىرقاعانىندا.
«استانا» فۋتبول كلۋبىنىڭ قۇرىلعانىنا نەبارى 9 جىل عانا بولعانىنا قاراماستان, كوماندا قىسقا ۋاقىت ىشىندە ەۋروپاداعى بۇرىن-سوڭدى بولماعان كەرەمەت جەتىستىكتەرگە قول جەتكىزدى. كارى قۇرلىقتىڭ باستى دودالارىندا ونەر كورسەتىپ كەلە جاتقان 4 جىلدىڭ ىشىندە ۋەفا رەيتىنگىندە 452-ءشى ورىننان 66-شى ورىنعا كوتەرىلدى. قازىرگى تاڭدا «استانا» ەلىمىزدىڭ ەڭ تانىمال فۋتبول كلۋبى. ەل فۋتبولى جانكۇيەرلەرىنىڭ 55%-دان استامى وسى كلۋبتىڭ جانكۇيەرلەرى.
