قازاقستان رەسپۋبليكاسى ۇكىمەتىنىڭ قاۋلىسى

2018 جىلعى 7 ناۋرىز          №113           استانا, ۇكىمەت ءۇيى

نورماتيۆتىك قۇقىقتىق اكتىلەردى مەملەكەتتىك تىركەۋ ءراسىمىن اۆتوماتتاندىرۋدىڭ كەيبىر ماسەلەلەرى تۋرالى

قازاقستان رەسپۋبليكاسىنىڭ ۇكىمەتى قاۋلى ەتەدى:

1. قوسا بەرىلىپ وتىرعان نورماتيۆتىك قۇقىقتىق اكتىلەردى مەملەكەتتىك تىركەۋدىڭ ۋاقىتشا قاعيدالارى (بۇدان ءارى – ۋاقىتشا قاعيدالار) بەكىتىلسىن.

2. وسى قاۋلىنىڭ 1-تارماعىندا كورسەتىلگەن قۇقىقتىق اكت قولدانىسىنىڭ اياقتالۋ مەرزىمى 2018 جىلعى 30 ماۋسىم بولىپ ايقىندالسىن.

3. ۋاقىتشا قاعيدالار نورماتيۆتىك قۇقىقتىق اكتىلەردى مەملەكەتتىك تىركەۋ ءراسىمىن اۆتوماتتاندىرۋ بويىنشا پيلوتتىق جوبانى جۇرگىزۋ كەزەڭىندە قازاقستان رەسپۋبليكاسىنىڭ اقپارات جانە كوممۋنيكاتسيالار, مادەنيەت جانە سپورت مينيسترلىكتەرىنە, پاۆلودار وبلىسىنىڭ اكىمدىكتەرىنە, ءماسليحاتتارىنا جانە پاۆلودار وبلىسى بويىنشا تەكسەرۋ كوميسسياسىنا قولدانىلسىن.

4. قازاقستان رەسپۋبليكاسىنىڭ اقپارات جانە كوممۋنيكاتسيالار مينيسترلىگى قازاقستان رەسپۋبليكاسىنىڭ مادەنيەت جانە سپورت مينيسترلىگىمەن جانە «ۇلتتىق اقپاراتتىق تەحنولوگيالار» اكتسيونەرلىك قوعامىمەن (كەلىسىم بويىنشا) بىرلەسىپ, اقپاراتتىق جۇيەلەر مەن جابدىقتاردى تەحنيكالىق سۇيەمەلدەۋدى, سونداي-اق مەملەكەتتىك ورگانداردا نورماتيۆتىك قۇقىقتىق اكتىلەردى مەملەكەتتىك تىركەۋ ءراسىمىن اۆتوماتتاندىرۋ بويىنشا پيلوتتىق جوبانى جۇرگىزۋ كەزەڭىندە ەلەكتروندىق قۇجاتتاردىڭ ساقتالۋىن قامتاماسىز ەتسىن.

5. «نورماتيۆتىك قۇقىقتىق اكتىلەردى رەسىمدەۋ, كەلىسۋ, مەملەكەتتىك تىركەۋ جانە ولاردىڭ كۇشىن جويۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2016 جىلعى 6 قازانداعى №568 قاۋلىسىنا (قازاقستان رەسپۋبليكاسىنىڭ ءپۇاج-ى, 2016 ج., №49, 313-قۇجات) مىناداي تولىقتىرۋ ەنگىزىلسىن:

1-تارماق مىناداي مازمۇنداعى ەكىنشى بولىكپەن تولىقتىرىلسىن:

«نورماتيۆتىك قۇقىقتىق اكتىلەردى مەملەكەتتىك تىركەۋدىڭ ۋاقىتشا قاعيدالارىندا قازاقستان رەسپۋبليكاسىنىڭ اقپارات جانە كوممۋنيكاتسيالار, قازاقستان رەسپۋبليكاسىنىڭ مادەنيەت جانە سپورت مينيسترلەرىنىڭ نورماتيۆتىك قۇقىقتىق بۇيرىقتارىن, ونىڭ ىشىندە كورسەتىلگەن ورتالىق مەملەكەتتىك ورگانداردىڭ ۆەدومستۆولارى باسشىلارىنىڭ نورماتيۆتىك قۇقىقتىق بۇيرىقتارىن, سونداي-اق پاۆلودار وبلىسى بويىنشا ءماسليحاتتاردىڭ نورماتيۆتىك قۇقىقتىق شەشىمدەرىن, اكىمدىكتەردىڭ نورماتيۆتىك قۇقىقتىق قاۋلىلارىن, اكىمدەردىڭ نورماتيۆتىك قۇقىقتىق شەشىمدەرىن, تەكسەرۋ كوميسسياسىنىڭ نورماتيۆتىك قۇقىقتىق قاۋلىلارىن نورماتيۆتىك قۇقىقتىق اكتىلەردى مەملەكەتتىك تىركەۋ راسىمدەرىن اۆتوماتتاۋ بويىنشا پيلوتتىق جوبانى جۇرگىزۋ كەزەڭىنە مەملەكەتتىك تىركەۋ ءتارتىبى ايقىندالادى.».

6. ورتالىق جانە جەرگىلىكتى مەملەكەتتىك ورگاندار وسى قاۋلىدان تۋىندايتىن شارالاردى قابىلداسىن.

7. وسى قاۋلىنىڭ ىسكە اسىرىلۋىن باقىلاۋ قازاقستان رەسپۋبليكاسى پرەمەر-ءمينيسترىنىڭ ورىنباسارى ا.ق.جۇماعاليەۆكە جۇكتەلسىن.

8. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەمەر-ءمينيسترى ب.ساعىنتاەۆ

قازاقستان رەسپۋبليكاسى ۇكىمەتىنىڭ 2018 جىلعى 7 ناۋرىزداعى №113 قاۋلىسىمەن بەكىتىلگەن

نورماتيۆتىك قۇقىقتىق اكتىلەردى مەملەكەتتىك تىركەۋدىڭ ۋاقىتشا قاعيدالارى

1-تاراۋ. جالپى ەرەجەلەر

1. وسى نورماتيۆتىك قۇقىقتىق اكتىلەردى مەملەكەتتىك تىركەۋدىڭ ۋاقىتشا قاعيدالارىندا (بۇدان ءارى – ۋاقىتشا قاعيدالار) قازاقستان رەسپۋبليكاسىنىڭ اقپارات جانە كوممۋنيكاتسيالار, قازاقستان رەسپۋبليكاسىنىڭ مادەنيەت جانە سپورت مينيسترلەرىنىڭ بۇيرىقتارىن, ونىڭ ىشىندە كورسەتىلگەن ورتالىق مەملەكەتتىك ورگانداردىڭ (بۇدان ءارى – ورتالىق مەملەكەتتىك ورگاندار) ۆەدومستۆولارى باسشىلارىنىڭ نورماتيۆتىك قۇقىقتىق بۇيرىقتارىن, سونداي-اق پاۆلودار وبلىسى ءماسليحاتتارىنىڭ نورماتيۆتىك قۇقىقتىق شەشىمدەرىن, اكىمدىكتەرىنىڭ نورماتيۆتىك قۇقىقتىق قاۋلىلارىن, اكىمدەرىنىڭ نورماتيۆتىك قۇقىقتىق شەشىمدەرىن, تەكسەرۋ كوميسسياسىنىڭ (بۇدان ءارى – جەرگىلىكتى مەملەكەتتىك ورگاندار) نورماتيۆتىك قۇقىقتىق قاۋلىلارىن مەملەكەتتىك تىركەۋ ءتارتىبى ايقىندالادى.

وسى ۋاقىتشا قاعيدالار «قىزمەتتىك پايدالانۋ ءۇشىن» دەگەن بەلگىسى بار نورماتيۆتىك قۇقىقتىق اكتىلەرگە قولدانىلمايدى.

2-تاراۋ. نورماتيۆتىك قۇقىقتىق اكتىلەردى مەملەكەتتىك تىركەۋ ءتارتىبى

2. ورتالىق جانە جەرگىلىكتى مەملەكەتتىك ورگانداردىڭ نورماتيۆتىك قۇقىقتىق اكتىلەرى قازاقستان رەسپۋبليكاسىنىڭ ادىلەت مينيسترلىگىنە نەمەسە پاۆلودار وبلىسىنىڭ ادىلەت دەپارتامەنتىنە بەكىتىلگەن كۇنىنەن باستاپ ءۇش جۇمىس كۇنى ىشىندە ۇسىنىلادى.

نورماتيۆتىك قۇقىقتىق اكتىنى مۇددەلى مەملەكەتتىك ورگاندار كەلىسكەن جاعدايدا, كورسەتىلگەن اكت مۇددەلى مەملەكەتتىك ورگانداردىڭ سوڭعىسى كەلىسكەن كۇننەن باستاپ ءۇش جۇمىس كۇنى ىشىندە مەملەكەتتىك تىركەۋگە ۇسىنىلادى.

3. نورماتيۆتىك قۇقىقتىق اكتىلەردىڭ كۇشى جويىلدى دەپ تانۋ, سونداي-اق نورماتيۆتىك قۇقىقتىق اكتىلەردىڭ نەمەسە ولاردىڭ جەكەلەگەن نورمالارىنىڭ قولدانىسىن توقتاتا تۇرۋ تۋرالى نورماتيۆتىك قۇقىقتىق اكتىلەر وسى ۋاقىتشا قاعيدالاردىڭ 2-تارماعىندا كورسەتىلگەن تارتىپپەن جانە مەرزىمدەردە مەملەكەتتىك تىركەۋگە ۇسىنىلادى.

مەملەكەتتىك تىركەۋدەن وتكەن نورماتيۆتىك قۇقىقتىق اكتىلەرگە ەنگىزىلەتىن وزگەرىستەر جانە (نەمەسە) تولىقتىرۋلار وسى ۋاقىتشا قاعيدالاردا بەلگىلەنگەن تارتىپپەن مەملەكەتتىك تىركەۋگە جاتادى.

4. نورماتيۆتىك قۇقىقتىق اكتىنى مەملەكەتتىك تىركەۋ ءۇشىن قازاقستان رەسپۋبليكاسىنىڭ ادىلەت مينيسترلىگىنە نەمەسە پاۆلودار وبلىسىنىڭ ادىلەت دەپارتامەنتىنە ەلەكتروندىق قۇجات نىسانىندا مەملەكەتتىك ورگانداردىڭ ينترانەت-پورتالىنا (بۇدان ءارى – مويپ) ەلەكتروندىق تسيفرلىق قولتاڭبامەن كۋالاندىرىلعان مىناداي قۇجاتتار ۇسىنىلادى:

1) *doc نەمەسە *docx فورماتىنداعى ىلەسپە حات;

2) قازاق جانە ورىس تىلدەرىندە نورماتيۆتىك قۇقىقتىق اكتى *doc نەمەسە *docx فورماتىندا;

3) قازاقستان رەسپۋبليكاسى ادىلەت ءمينيسترىنىڭ 2016 جىلعى 21 قازانداعى №912 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №14355 بولىپ تىركەلگەن) بەكىتىلگەن نىسان بويىنشا انىقتاما-نەگىزدەمە قازاق جانە ورىس تىلدەرىندە *doc نەمەسە *docx فورماتىندا;

4) ەگەر نورماتيۆتىك قۇقىقتىق اكت جەكە كاسىپكەرلىك سۋبەكتىلەرىنىڭ مۇددەلەرىن قوزعايتىن جاعدايدا, قازاقستان رەسپۋبليكاسى ۇلتتىق كاسىپكەرلەر پالاتاسىنىڭ جانە جەكە كاسىپكەرلىك سۋبەكتىلەرىنىڭ اككرەديتتەلگەن بىرلەستىكتەرىنىڭ ساراپتامالىق قورىتىندىلارى قازاق جانە ورىس تىلدەرىندە *pdf فورماتىندا;

5) نورماتيۆتىك قۇقىقتىق اكت ازاماتتاردىڭ قۇقىقتارىن, بوستاندىقتارى مەن مىندەتتەرىن قوزعايتىن جاعدايدا, قوعامدىق كەڭەس ۇسىنىمى قازاق جانە ورىس تىلدەرىندە *pdf فورماتىندا;

6) نورماتيۆتىك قۇقىقتىق اكتىگە وزگەرىستەر جانە (نەمەسە) تولىقتىرۋلار ەنگىزىلەتىن جاعدايدا, ەنگىزىلەتىن وزگەرىستەر مەن تولىقتىرۋلاردىڭ ءتيىستى نەگىزدەمەسى بار نورماتيۆتىك قۇقىقتىق اكتىنىڭ الدىڭعى جانە جاڭا رەداكتسياسىنىڭ سالىستىرما كەستەسى قازاق جانە ورىس تىلدەرىندە *doc نەمەسە *docx فورماتىندا;

7) نورماتيۆتىك قۇقىقتىق اكتىگە مەملەكەتتىك ورگاننىڭ ءبىرىنشى باسشىسىنىڭ مىندەتىن اتقارۋشى ادام قول قويعان جاعدايدا, ءتيىستى مىندەتتەمەلەردى جۇكتەۋ تۋرالى قۇجات قازاق جانە ورىس تىلدەرىندە *pdf فورماتىندا;

8) جۇرگىزىلۋى قازاقستان رەسپۋبليكاسىنىڭ قولدانىستاعى زاڭنامالىق اكتىلەرىندە كوزدەلگەن ءتيىستى ساراپتامالىق قورىتىندىلار قازاق جانە ورىس تىلدەرىندە *pdf فورماتىندا.

5. قوسا بەرىلەتىن انىقتاما-نەگىزدەمەگە وسى اكتىنى شىعارعان ورگاننىڭ زاڭ قىزمەتىنىڭ باسشىسى, ول بولماعان جاعدايدا ورگاننىڭ زاڭ قىزمەتى باسشىسىنىڭ مىندەتىن اتقارۋشى ادام قول قويادى.

بىرلەسكەن نورماتيۆتىك قۇقىقتىق اكتىنى ۇسىنعان جاعدايدا, قوسا بەرىلەتىن انىقتاما-نەگىزدەمەگە ونى مەملەكەتتىك تىركەۋگە ۇسىنعان ورگاننىڭ زاڭ قىزمەتىنىڭ باسشىسى, ول بولماعان جاعدايدا ونىڭ مىندەتىن اتقارۋشى ادام قول قويادى.

مەملەكەتتىك ورگاندا زاڭ قىزمەتى بولماعان جاعدايدا, انىقتاما-نەگىزدەمەگە وسى نورماتيۆتىك قۇقىقتىق اكتىنى ازىرلەگەن ءتيىستى قۇرىلىمدىق بولىمشەنىڭ باسشىسى, ول بولماعان جاعدايدا ءتيىستى قۇرىلىمدىق بولىمشە باسشىسىنىڭ مىندەتىن اتقارۋشى ادام قول قويادى.

جەرگىلىكتى ورگاندا زاڭ قىزمەتى بولماعان جاعدايدا, انىقتاما-نەگىزدەمەگە وسى اكتىنى مەملەكەتتىك تىركەۋگە ۇسىنعان ورگاندا زاڭگەر فۋنكتسياسىن ورىندايتىن ادام نە جەرگىلىكتى ورگاننىڭ ءبىرىنشى باسشىسى, ول بولماعان جاعدايدا جەرگىلىكتى ورگاننىڭ ءبىرىنشى باسشىسىنىڭ مىندەتىن اتقارۋشى ادام قول قويادى.

6. جەكە كاسىپكەرلىك سۋبەكتىلەرىنىڭ اككرەديتتەلگەن بىرلەستىكتەرى, قازاقستان رەسپۋبليكاسىنىڭ ۇلتتىق كاسىپكەرلەر پالاتاسى – ساراپتامالىق قورىتىندىنى, سونداي-اق قوعامدىق كەڭەس ۇسىنىمداردى ورتالىق جانە مەملەكەتتىك ورگان بەلگىلەگەن مەرزىمدە ۇسىنباعان جاعدايدا, نورماتيۆتىك قۇقىقتىق اكتىنىڭ جوباسى ەسكەرتۋلەرسىز كەلىسىلدى دەپ ەسەپتەلەدى.

جەكە كاسىپكەرلىك سۋبەكتىلەرىنىڭ مۇددەلەرىن قوزعايتىن نورماتيۆتىك قۇقىقتىق اكتىنىڭ جوباسىنا ساراپتامالىق قورىتىندىنى ۇسىنۋ ءۇشىن ازىرلەۋشى ورگان بەلگىلەيتىن مەرزىم جەكە كاسىپكەرلىك سۋبەكتىلەرىنىڭ اككرەديتتەلگەن بىرلەستىكتەرىنە, قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنا تۇسكەن كەزىنەن باستاپ ون جۇمىس كۇنىنەن كەم بولمايدى.

7. نورماتيۆتىك قۇقىقتىق اكتىنى قابىلداعان ورگان قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنىڭ جانە (نەمەسە) جەكە كاسىپكەرلىك سۋبەكتىلەرىنىڭ اككرەديتتەلگەن بىرلەستىكتەرىنىڭ ساراپتامالىق قورىتىندىسىمەن, سونداي-اق قوعامدىق كەڭەستىڭ ۇسىنىمدارىمەن كەلىسپەگەن جاعدايدا, نورماتيۆتىك قۇقىقتىق اكتىگە كەلىسپەۋ سەبەپتەرىنىڭ نەگىزدەمەلەرى بار حاتتى (جاۋاپتى) قوسا بەرەدى.

8. ورتالىق مەملەكەتتىك ورگانداردىڭ نورماتيۆتىك قۇقىقتىق اكتىلەرىن مەملەكەتتىك تىركەۋدى – قازاقستان رەسپۋبليكاسىنىڭ ادىلەت مينيسترلىگى, جەرگىلىكتى مەملەكەتتىك ورگانداردىڭ نورماتيۆتىك قۇقىقتىق اكتىلەرىن مەملەكەتتىك تىركەۋدى پاۆلودار وبلىسىنىڭ ادىلەت دەپارتامەنتى قۇجاتتار تۇسكەن كۇننەن باستاپ ون بەس جۇمىس كۇنى ىشىندە جۇزەگە اسىرادى.

بىرلەسكەن نورماتيۆتىك قۇقىقتىق اكتىلەردىڭ كۇشى جويىلدى نە توقتاتىلا تۇردى دەپ ولاردى بىرلەسە قابىلداعان ورتالىق نەمەسە جەرگىلىكتى مەملەكەتتىك ورگاندار تانيدى.

بۇل ءتارتىپ وزگە مەملەكەتتىك ورگاندارمەن كەلىسۋ بويىنشا قابىلدانعان اكتىلەرگە دە قولدانىلادى.

وسى ۋاقىتشا قاعيدالاردىڭ 9-تارماعىندا كوزدەلگەن كەزەڭدەردىڭ ءوتۋى كەزىندە وسى تارماقتىڭ ءبىرىنشى بولىگىندە بەلگىلەنگەن مەرزىمدەر توقتاتىلا تۇرمايدى.

9. نورماتيۆتىك قۇقىقتىق اكتىنى مەملەكەتتىك تىركەۋ ءراسىمى مىناداي ءتورت كەزەڭدى قامتيدى:

ءبىرىنشى كەزەڭ – سەگىز جۇمىس كۇنى ىشىندە اكتىدە قۇقىق نورماسىنىڭ بولۋى تۇرعىسىنان زاڭ ساراپتاماسىن جۇرگىزۋ جانە ونى مەملەكەتتىك تىركەۋ قاجەتتىگى تۋرالى شەشىم قابىلداۋ, نورماتيۆتىك قۇقىقتىق اكتىنىڭ قازاقستان رەسپۋبليكاسىنىڭ زاڭناماسىنا سايكەستىگىن ايقىنداۋ بولىپ تابىلادى;

ءبىرىنشى كەزەڭنىڭ ناتيجەلەرى بويىنشا ورتالىق نەمەسە جەرگىلىكتى مەملەكەتتىك ورگاندارعا نورماتيۆتىك قۇقىقتىق اكتىنى مەملەكەتتىك تىركەۋ تۋرالى شەشىم قابىلداۋ تۋرالى حابارلامانى نە جويۋعا بولاتىن ەسكەرتۋلەردىڭ بولۋى تۋرالى ەلەكتروندىق قۇجات نىسانىنداعى حاتتى مويپ نە مەملەكەتتىك تىركەۋدەن باس تارتۋ تۋرالى ەلەكتروندىق قۇجات نىسانىنداعى حاتتى جىبەرۋ;

نورماتيۆتىك قۇقىقتىق اكتىنى مەملەكەتتىك تىركەۋ تۋرالى شەشىم قابىلداۋ تۋرالى حابارلاما جىبەرىلگەننەن كەيىن قازاقستان رەسپۋبليكاسىنىڭ ادىلەت مينيسترلىگى نە پاۆلودار وبلىسىنىڭ ادىلەت دەپارتامەنتى ەكى جۇمىس كۇنى ىشىندە ءۇشىنشى كەزەڭنىڭ ەكىنشى بولىگىندە جانە ءتورتىنشى كەزەڭدە كوزدەلگەن راسىمدەردى وتكىزەدى;

ەكىنشى كەزەڭ – ورتالىق جانە جەرگىلىكتى مەملەكەتتىك ورگاندار جويۋعا بولاتىن ەسكەرتۋلەردىڭ بولۋى تۋرالى ەلەكتروندىق قۇجات نىسانىنداعى حات مويپ ارقىلى كەلىپ تۇسكەن كەزدەن باستاپ ءتورت جۇمىس كۇنى ىشىندە قازاقستان رەسپۋبليكاسى ادىلەت مينيسترلىگىنىڭ نە پاۆلودار وبلىسى ادىلەت دەپارتامەنتىنىڭ ەسكەرتۋلەرىن جويادى, ونىڭ قورىتىندىلارى بويىنشا ەسكەرتۋلەردى ەسكەرە وتىرىپ پىسىقتالعان, ەلەكتروندىق تسيفرلىق قولتاڭبامەن كۋالاندىرىلعان *doc نەمەسە *docx فورماتىنداعى ەلەكتروندىق قۇجات نىسانىنداعى نورماتيۆتىك قۇقىقتىق اكتىنى قازاق جانە ورىس تىلدەرىندە ىلەسپە حات مويپ ارقىلى قازاقستان رەسپۋبليكاسىنىڭ ادىلەت مينيسترلىگىنە نەمەسە پاۆلودار وبلىسىنىڭ ادىلەت دەپارتامەنتىنە ەنگىزەدى;

ءۇشىنشى كەزەڭ – ەسكەرتۋلەردى ەسكەرە وتىرىپ پىسىقتالعان نورماتيۆتىك قۇقىقتىق اكت مويپ ارقىلى قايتا كەلىپ تۇسكەن كۇننەن باستاپ ەكى جۇمىس كۇنى ىشىندە قازاقستان رەسپۋبليكاسىنىڭ ادىلەت مينيسترلىگى نە پاۆلودار وبلىسىنىڭ ادىلەت دەپارتامەنتى ەسكەرتۋلەردىڭ جويىلۋى, سونداي-اق نورماتيۆتىك قۇقىقتىق اكتىنىڭ قازاقستان رەسپۋبليكاسىنىڭ زاڭناماسىنا سايكەستىگى تۇرعىسىنان سالىستىرۋ جۇرگىزەدى.

سالىستىرۋ ناتيجەلەرى بويىنشا ەسكەرتۋلەر جويىلعان جانە نورماتيۆتىك قۇقىقتىق اكت قازاقستان رەسپۋبليكاسىنىڭ زاڭناماسىنا سايكەس كەلگەن جاعدايدا:

1) ورتالىق مەملەكەتتىك ورگاننىڭ نورماتيۆتىك قۇقىقتىق اكتىسىن مەملەكەتتىك تىركەۋ تۋرالى قورىتىندىنى – قازاقستان رەسپۋبليكاسىنىڭ ادىلەت ءمينيسترى نەمەسە ونىڭ ورىنباسارى, جەرگىلىكتى مەملەكەتتىك ورگاننىڭ – پاۆلودار وبلىسىنىڭ ادىلەت دەپارتامەنتىنىڭ باسشىسى بەكىتەدى;

2) نورماتيۆتىك قۇقىقتىق اكتى مەملەكەتتىك تىركەۋ ءنومىرى بەرىلە وتىرىپ, نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىنە اۆتوماتتى تۇردە ەنگىزىلەدى.

ەسكەرتۋلەر جويىلماعان جانە نورماتيۆتىك قۇقىقتىق اكت قازاقستان رەسپۋبليكاسىنىڭ زاڭناماسىنا سايكەس كەلمەگەن جاعدايدا, سونداي-اق ەسكەرتۋلەر ەسكەرىلىپ نورماتيۆتىك قۇقىقتىق اكتى ەكىنشى كەزەڭدە كوزدەلگەن مەرزىمدە كەلىپ تۇسپەگەن جاعدايدا, قازاقستان رەسپۋبليكاسىنىڭ ادىلەت مينيسترلىگى نە پاۆلودار وبلىسىنىڭ ادىلەت دەپارتامەنتى نورماتيۆتىك قۇقىقتىق اكتىنى ۇسىنعان ورگانعا مويپ ارقىلى ەلەكتروندىق قۇجات نىسانىنداعى حاتپەن نورماتيۆتىك قۇقىقتىق اكتىنى مەملەكەتتىك تىركەۋدەن باس تارتۋ جىبەرەدى;

ءتورتىنشى كەزەڭ – نورماتيۆتىك قۇقىقتىق اكتىنى مەملەكەتتىك تىركەۋ تۋرالى قورىتىندى بەكىتىلگەن كۇننەن باستاپ ءبىر جۇمىس كۇنى ىشىندە نورماتيۆتىك قۇقىقتىق اكتىنى ۇسىنعان ورگانعا مويپ ارقىلى ەلەكتروندىق قۇجات نىسانىنداعى حاتپەن نورماتيۆتىك قۇقىقتىق اكتىگە بەرىلگەن مەملەكەتتىك تىركەۋ نومىرىمەن نورماتيۆتىك قۇقىقتىق اكتىنى مەملەكەتتىك تىركەۋ تۋرالى قورىتىندى جىبەرىلەدى.

10. نورماتيۆتىك قۇقىقتىق اكتىلەردى مەملەكەتتىك تىركەۋ ءتىزىلىمىن جۇرگىزۋدى قازاقستان رەسپۋبليكاسىنىڭ ادىلەت مينيسترلىگى جانە پاۆلودار وبلىسىنىڭ ادىلەت دەپارتامەنتى جۇزەگە اسىرادى.

نورماتيۆتىك قۇقىقتىق اكتىنى مەملەكەتتىك تىركەۋ تۋرالى قورىتىندىنىڭ, سونداي-اق نورماتيۆتىك قۇقىقتىق اكتىلەردى مەملەكەتتىك تىركەۋ ءتىزىلىمىنىڭ نىسانى «نورماتيۆتىك قۇقىقتىق اكتىلەردى مەملەكەتتىك تىركەۋدىڭ كەيبىر ماسەلەلەرى تۋرالى» قازاقستان رەسپۋبليكاسى ادىلەت ءمينيسترىنىڭ 2016 جىلعى 10 قاراشاداعى №1007 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №14411 بولىپ تىركەلگەن) بەكىتىلگەن.

11. مەملەكەتتىك تىركەۋگە ۇسىنىلعان نورماتيۆتىك قۇقىقتىق اكتىنى پىسىقتاۋ ماقساتىندا ازىرلەۋشى مەملەكەتتىك ورگان ءوز باستاماسىمەن مويپ ارقىلى مەملەكەتتىك تىركەۋدەن قايتارىپ الۋى مۇمكىن.

نورماتيۆتىك قۇقىقتىق اكتىنى مەملەكەتتىك تىركەۋدەن قايتارىپ الۋ بۇل تۋرالى ءتيىستى حات كەلىپ تۇسكەن كۇننەن باستاپ ەكى جۇمىس كۇنى ىشىندە مويپ ارقىلى جۇزەگە اسىرىلادى.

نورماتيۆتىك قۇقىقتىق اكتىنى قايتارىپ الۋ تۋرالى حاتتى العان كۇننەن باستاپ كۇنتىزبەلىك ون بەس كۇن ىشىندە ورتالىق نەمەسە جەرگىلىكتى مەملەكەتتىك ورگاننىڭ باسشىسى نە ول بولماعان جاعدايدا ونىڭ مىندەتىن اتقارۋشى ادام نورماتيۆتىك قۇقىقتىق اكتىنىڭ كۇشىن جويۋ تۋرالى اكت قابىلدايدى جانە ونىڭ كوشىرمەسىن ەلەكتروندىق قۇجات نىسانىندا مويپ ارقىلى قازاقستان رەسپۋبليكاسىنىڭ ادىلەت مينيسترلىگىنە نەمەسە پاۆلودار وبلىسىنىڭ ادىلەت دەپارتامەنتىنە جىبەرەدى.