مىنە سول كۇن دە تۋدى!» دەگەن جولدار بار. ادام جانىنىڭ تولقىنىسىنا تولى, جۇرەكتەن ايتىلعان, جۇرەكتىڭ قۋانىشىمەن ايتىلعان سوزدەر بۇل. ەلىمىزدىڭ شيرەك عاسىردان ءسال ارتىق ۋاقىتتا وتكەن ۇلى جولى, بۇگىنگى جەتكەن بيىگىن سانامەن قايتا ساراپتاساڭ عانا وسى ءبىر ۇلى تۇلعا ءۇشىن, وسى ەلدىڭ, مەملەكەتتىڭ باس ۇستاسى, بىرەگەي سومداۋشىسى نۇرسۇلتان نازارباەۆتىڭ كەمەڭگەرلىگىن تاعى ءبىر تۇيسىنەسىڭ جانە ونىمەن بىرگە قۋاناسىڭ.
ەلباسىنىڭ بۇل ۇندەۋى ونىڭ و باستا قازاق ەلى ءۇشىن, قازاق حالقى ءۇشىن كۇللى كۇش-قۋاتىن, ءتۋابىتتى كەمەڭگەر اقىل-ويىن قالدىقسىز جۇمساپ كەلە جاتقانىنا تاعى ءبىر رەت كوزىڭدى جەتكىزەدى.
«سول كۇن تۋدى!». دەمەك ەلباسىنىڭ ساياساتىندا سالقىن اقىل, سابىرلى وي مەن ەلگە, ەلدىڭ بولاشاعىنا دەگەن قايسار سەنىم قاي تۇستا دا سىر بەرگەن جوق. «اللا دەگەن ءسوز جەڭىل» دەيدى اباي. ءسوز عانا. ال ءىس ميلليون ەسە اۋىر. قازاقتىڭ تالايىنا تۋعان وسى كەمەڭگەردىڭ قانداي جۇك ارقالاعانىن قازىرگى قازاقتىڭ, قازاق ەلىنىڭ جەتكەن بيىگىنە قاراپ ەلەستەتۋگە بولادى. دەمەك ءبىز دە ەلباسىمەن بىرگە قۋانىشپەن ايتا الامىز: «سول كۇن تۋدى!».
ەلباسى ۇندەۋدە قازاقتىڭ ءۇش ۇلى حانى قاسىمنىڭ, ءاز تاۋكەنىڭ, ابىلايدىڭ ەسىمدەرىن اتايدى. ءبىز قازىرگى كۇردەلى عاسىردا قازاق ەلىن بيىككە شىعارعان ۇلى تاريحي تۇلعا نۇرسۇلتان ءابىش ۇلىن دا سانالى تۇردە وسى ساناتقا قوسار ەدىك.
ال بەس باستاماعا كەلسەك, مۇنىڭ جالپى حالىقتىڭ تۇرمىسىن بۇرىنعىدان دا كوركەيتىپ, ەڭسەسىن كوتەرە تۇسەرىنە كۇمان جوق.
مەيىرحان اقداۋلەت ۇلى,
«ادىرنا» ادەبي-كوركەم جۋرنالىنىڭ باس رەداكتورى
