فوتو: ايباتىر نۇراش
بۇدان بولەك, الەۋمەتتىك سالانىڭ نەگىزگى جۇگى دە نازىك جىنىستىلاردىڭ يىعىندا دەسەك بولادى. وڭىردەگى ءبىلىم مەن دەنساۋلىق ساقتاۋ سالاسىندا تيىسىنشە 17 جانە 8,5 مىڭ ايەل ادام جۇمىس ىستەپ ءجۇر. ءتىپتى قورعانىس سالاسىندا دا 127 ايەل وقالى كيىم كيىپ, اسكەري تارتىپكە باعىنعان. ال وبلىستاعى 48 مىڭ كاسىپكەرلىك نىساننىڭ تەڭ جارتىسىنا جۋىعىن دا بيزنەس-لەديلەر باسقارىپ وتىر ەكەن.
حالىقارالىق ايەلدەر كۇنى قارساڭىندا ورال قالاسىنداعى دوستىق ۇيىندە وتكەن سالتاناتتى شارادا باتىس قازاقستان وبلىسىنىڭ اكىمى التاي كولگىنوۆ ءوڭىردىڭ دامۋىنا سۇبەلى ۇلەس قوسقان زەينەتكەر انالارمەن, ءار سالادا جەمىستى ەڭبەك ەتىپ جۇرگەن قىز-كەلىنشەكتەرمەن كەزدەسىپ, ولاردى كوكتەم مەرەكەسىمەن قۇتتىقتادى.
جيىندا ءسوز العان اقىن اقۇشتاپ باقتىگەرەەۆا, ەڭبەك ارداگەرى روزا كۋجەكوۆا, قر پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا ءتورايىمىنىڭ ورىنباسارى ەلەنا تاراسەنكو, «گيدروپريبور» اق ينجەنەر-كونسترۋكتورى تاتيانا پونومارەۆا, «پمك-117» جشس ديرەكتورى ولگا پوپوۆا جانە باسقالار ءسوز الىپ, ەلىمىزدە جانە وبلىستا اتقارىلىپ جاتقان يگى ىستەر تۋرالى, قوعامداعى ايەل اناعا جاسالىپ جاتقان مەملەكەت قولداۋى جايلى ايتىپ, العىس ءبىلدىردى. بەلگىلى ايتىس اقىنى جانسايا مۋسينانىڭ تىلەگىنە وراي التاي كولگىنوۆ ورال قالاسىندا رەسپۋبليكالىق ايتىس ۇيىمداستىرۋعا ۋادە بەردى. كەش سوڭى كونتسەرتپەن جالعاستى.
قازبەك قۇتتىمۇرات ۇلى,
«ەگەمەن قازاقستان»
