وڭتۇستىك قازاقستان وبلىسى, سوزاق اۋدانىنىڭ 90 جىلدىعىنا جانە استانانىڭ 20 جىلدىعىنا وراي, ياعني 1998 جىلى باستاۋ العان «تەرىسكەي تالانتتارى» حالىقتىق ونەر فەستيۆالى بيىل 20-شى رەت ۇيىمداستىرىلىپ وتىر. «مىڭجىلقى» مادەنيەت سارايىندا. فەستيۆالدى سوزاق اۋدانىنىڭ əكىمى سالىحان پولاتوۆ قۇتتىقتاۋ سوزبەن اشىپ, ق.دوسىمبەكوۆتىڭ سوزىنە جازىلعان س.باتىربەكوۆتىڭ «تەرىسكەي تالانتتارى» ءəنىنىڭ تۇساۋى كەسىلدى. اۋىلدىق جەرلەردەگى جاس تالانتتاردى تاۋىپ, ولارعا قولداۋ كورسەتۋدى, وتانسۇيگىشتىككە باۋلۋدى كوزدەگەن فەستيۆالعا قاتىسۋشىلار سەگىز جانر بويىنشا سىنعا تۇسەدى. ياعني, «سىرلى ساز اۋەندەرى» – ەسترادا جانرى بويىنشا, «زەرلى قالام» – بەينەلەۋ ونەرى قىلقالام شەبەرلەرى, «كۇمىس كەرۋەن» – قولونەر شەبەرلەرى, «سىرلى دۇنيە» – جىر ءمۇشايراسى جانە كوركەمسوز وقۋ, «گاۋھارتاس» – حالىق اندەرى, «ساۋكەلە» – بي, «ساحنا ءيىرىمى» – دراما جانرى, سونداي-اق «حالىق – ونەر قاينارى» ۇجىمدىق كوركەمونەرپازدار بايقاۋى ارقىلى تالانتتار انىقتالماق. فەستيۆالدىڭ اشىلۋ سالتاناتى «مەرەيىڭمەن, تۋعان ەل!» اتتى ادەبي جۇزدەسۋگە ۇلاسىپ, تەرىسكەيدە تۋعان ەسكەرمەس جاقسىمبەتوۆ, ەسەنبەك كەنجەعاراەۆ, مىڭجاسار اسقاروۆ سىندى اقىندار ولەڭدەرىن وقىپ, اۋدان əنشىلەرى ەلىمىزدە كەڭىنەن تانىلىپ ۇلگەرگەن əندەرىن ورىندادى.
اتاپ ايتا كەتەلىك, قارا كۇزگە دەيىن سوزىلاتىن فەستيۆالدىڭ جۇلدە قورىنا اۋدان əكىمدىگى تاراپىنان 2 ميلليون 500 مىڭ تەڭگە تاعايىندالعان. جەڭىمپازدار قورىتىندى گالا-كونتسەرتتە ماراپاتتالادى.
سونداي-اق شارا بارىسىندا «حالىق – ونەر قاينارى» اتتى ۇجىمدىق كوركەمونەرپازدار بايقاۋىنىڭ جۇلدەگەرلەرى اۋدان ورتالىعىندا ارنايى كونتسەرتتىك باعدارلاماسىن وتكىزەدى.
عالىمجان ەلشىباي,
«ەگەمەن قازاقستان»
وڭتۇستىك قازاقستان وبلىسى
