ەڭ الدىمەن, قازاقستاندىقتار ءۇشىن قولجەتىمدى باسپانا – باستى ماسەلە. كوپتەگەن جاس وتباسى جەكەمەنشىك ءۇيىنىڭ بولماۋىنان قينالادى, ءتىپتى كەيبىر وتباسىلاردىڭ شاڭىراعىنىڭ شايقالۋىنا دا وسى ماسەلە اسەر ەتەدى. بۇل رەتتە مەملەكەت تاراپىنان ازاماتتاردىڭ باسىم بولىگىنە دەرلىك باسپانانى قولجەتىمدى قىلۋ باستاماسى كوتەرىلىپ وتىر. «7 – 20 – 25» باعدارلاماسى اتالعان پروبلەمانى جاقىن ارادا شەشۋگە مۇمكىندىك بەرەدى. وسى باعدارلامانى ورىنداۋ ەكونوميكانى دامىتۋعا عانا ەمەس, دەموگرافيانى كوتەرۋگە دە قارقىن بەرەدى. ويتكەنى دەموگرافياعا ينۆەستيتسيا قۇيۋ وتە وزەكتى.
سالىقتىق جۇكتەمەنى تومەندەتۋ ماقساتىندا جالاقىنى از الاتىن ادامدارعا سالىق 1 پايىزعا دەيىن تومەندەيدى. بۇل الەمدىك تاجىريبەدە بولماعان شەشىم. باستىسى, ۇنەمدەلگەن قارجى وسى ساناتتاعى ادامداردىڭ ەڭبەكاقىسىن كوتەرۋگە جۇمسالادى. بۇل – 2 ميلليوننان استام ازاماتتىڭ تابىسىن ارتتىرۋعا جاسالعان قادام.
تەحنيكالىق ماماندىقتارعا گرانتتاردى كوبەيتۋ دە دەر كەزىندە قابىلدانعان ماڭىزدى شەشىم دەر ەدىم. مەملەكەت ءىت-تەحنولوگيا, نانوتەحنولوگيا, روبوتتى تەحنيكا سياقتى جاڭا ماماندىقتارعا قوسىمشا 20 مىڭ گرانت بولمەك. ەڭبەك نارىعىنىڭ وزگەرۋىن ەسەپكە الساق, بۇل ءتورتىنشى ونەركاسىپتىك رەۆوليۋتسيا جولىنداعى ماڭىزدى قادام.
ءوزىن-ءوزى جۇمىسپەن قامتۋشىلار ماسەلەسىن شەشۋدە ەلدىڭ الەۋمەتتىك جاڭعىرۋىنا بازالىق جاعداي جاسالىپ وتىر. بۇل ماسەلەلەردى شەشۋ ءۇشىن 14 مىڭ ازاماتقا 62 ميلليارد تەڭگە كولەمىندە شاعىن نەسيە بەرىلەدى. بۇل اۋىل تۇرعىندارىن شاعىن كاسىپكەرلىكپەن قامتۋعا مۇمكىندىك بەرەدى. ءوزىن-ءوزى جۇمىسپەن قامتۋشىلاردىڭ ماسەلەسىن كەشەندى تۇردە شەشۋ ولاردى ەلىمىزدىڭ ەكونوميكالىق اينالىمىنا قوسۋعا, سالىق بازاسىنىڭ كەڭەيۋىنە جول اشادى. بۇل ەل ەكونوميكاسىن دامىتۋدىڭ ماڭىزدى قىرلارىنىڭ ءبىرى.
الەۋمەتتىك دامۋدىڭ نەگىزگى بەلگىلەرى اۋىل ينفراقۇرىلىمى, ەلدى مەكەندەردىڭ باسىم بولىگىن گازبەن قامتاماسىز ەتۋ. ەلباسى بايانداماسىندا ەل ىشىندە كوگىلدىر وتىندى جەتكىزۋدە جاڭا باعىتتار قۇرۋ, گاز قۇبىرلارى قۇرىلىسىن جۇرگىزۋ تۋرالى ايتىلدى. بۇل ماسەلە بۇرىننان ساراپشىلار دەڭگەيىندە تالقىلانىپ كەلە جاتقان بولاتىن. سوندىقتان مەملەكەتتىڭ ازاماتتىق قوعام وكىلدەرىنىڭ وي-پىكىرىمەن ۇندەسە جۇمىس ىستەۋى قۋانتادى. سول سەبەپتى ەلىمىزدە مەملەكەتتىڭ ازاماتتاردىڭ كەلەشەگىنە قامقورلىعى مەن الەۋمەتتىك جاۋاپكەرشىلىگى ءىس جۇزىندە ورىندالادى دەپ سەنىممەن ايتۋعا بولادى. بۇل قوعامداعى الەۋمەتتىك سەنىمنىڭ ارتۋىنا الىپ كەلەدى. ياعني, قازاقستاندا الەۋمەتتىك دامۋدىڭ وزىندىك مودەلى قۇرىلۋدا.
ەرلان سايروۆ,
الەۋمەتتانۋشى, قازاقستان كاسىپوداقتارى فەدەراتسياسى توراعاسىنىڭ ورىنباسارى
