بەينەماتەريالدا بارلىق ءتيىمدى بيزنەس پروتسەستەردى اۆتوماتتاندىرۋ مەن يننوۆاتسيالىق IT-سەرۆيستەردى قولدانۋدىڭ جارقىن ۇلگىسى كورسەتىلگەن جانە بۇلتتى قىزمەتتىڭ ەڭ باستى باعىتتارىنىڭ ءبىرى «Microsoft Power BI» بيزنەس-ساراپتاماسى جايىندا ايتىلعان.
«Microsoft» قازۇۋ-دىڭ ستراتەگيالىق ارىپتەسى بولا وتىرىپ, وزگە الەمدىك جوو اراسىندا ۋنيۆەرسيتەتتىڭ IT تەحنولوگيالار مەن بۇلتتى سەرۆيس جۇمىسىن ءتيىمدى قولدانعانىن جوعارى باعالادى. كومپانيا ساراپشىلارىنىڭ پىكىرىنشە, ەنگىزىلگەن ساراپتامالىق جۇيە ۋنيۆەرسيتەتتىڭ قىزمەتىن جاڭا ساپالى ساندىق دەڭگەيگە كوتەرگەن.
ايتا كەتۋ كەرەك, وتكەن جىلى رەدموند شتاب-پاتەرىندەگى (اقش) «Microsoft Campus Connections» سامميتىندە قازۇۋ تمد ەلدەرىنىڭ جوو-لارى اراسىنان «E-campus» جوباسىن ۇسىنعان جالعىز وقۋ ورنى بولىپ, كومپانيا وكىلدەرى مەن شەتەلدىك جوعارى وقۋ ورىندارىنىڭ قىزىعۋشىلىعىن تۋدىردى. ال بيىل ءساۋىر ايىندا قازۇۋ لوندوندا ( ۇلىبريتانيا) وتەتىن سامميتتە IT- سالاسىنداعى ءوز تاجىريبەسىمەن بولىسەتىن بولادى.
بەينەماتەريالدى مىنا سىلتەمە بويىنشا كورۋگە بولادى:
https://customers.microsoft.com/en-us/story/al-farabi-kazakh-national-university-powerbi-office365-russian-kazakhstan).
قازۇۋ-ءدىڭ باسپاسوز قىزمەتى
