ساپتاعى نازىك جاندىلاردىڭ مەرگەندىگىن شىڭداۋ باعىتىنداعى سايىس جىل سايىن ۇيىمداستىرىلىپ كەلەدى. ىشكى ىستەر دەپارتامەنتىنىڭ قىزمەتكەرلەرى ايىنا ەكى رەت تاپانشادان اتۋدىڭ دايارلىق ساباعىنان ءوتىپ, جاتتىعىپ, تاجىريبەلەرىن شىڭداپ تۇرادى.
– دەپارتامەنت باسشىلىعى تاراپىنان ايەلدەر مەرەكەسىنە وراي ۇيىمداستىرىلعان بۇل سايىس بىزدەر ءۇشىن. ىشكى ىستەر ورگانىندا قىزمەت اتقاراتىن بولعاندىقتان, قانداي تاۋەكەلگە دە دايىن بولۋىمىز كەرەك. ءبىرىنشى رەت قولىمىزعا قارۋ ۇستاپ تۇرعان جوقپىز, ياعني بىزگە قولعا قارۋ الۋ ۇيرەنشىكتى جاعداي. سايىستا «مەرگەن قىز» اتانۋعا ارقايسىمىز تىرىسۋدامىز, – دەيدى ءىىد شتاب باسقارماسىنىڭ بولىمشە باستىعى, پوليتسيا ما-يورى اقمارال كوكەنوۆا. باسشىلىقتىڭ ايتۋىنشا, اتۋ دايارلىق ساباعىندا كورسەتىلگەن جاتتىعۋلاردى ايەل قىزمەتكەرلەر تەز مەڭگەرىپ الادى ەكەن. ويتكەنى ولاردىڭ ساۋساقتارى باسۋ شۇرىپپەسىنە وتە يكەمدى. ماكاروۆ تاپانشاسى بويىنشا ستاتيكالىق جانە تاكتيكالىق ەكى جاتتىعۋدان وتكەن سايىستا جەڭىمپاز كوماندالار مەن جەكە مەرگەندەر انىقتالدى. مەرگەن ارۋلار دەپارتامەنت باسشىلىعىنىڭ ماراپاتىنا يە بولدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
