قازاقستانداعى ەتنومادەني بىرلەستىكتەر ەلىمىزدەگى بارلىق جەتىستىكتەر قوعامىمىزدا سالتانات قۇرىپ وتىرعان تاتۋلىق پەن كەلىسىمنىڭ ارقاسىندا بولىپ جاتقانىن تەرەڭ تۇسىنەدى.
ءبىز پرەزيدەنت نۇرسۇلتان نازارباەۆتىڭ پارلامەنت پالاتالارىنىڭ بىرلەسكەن وتىرىسىندا جاريالاعان بەس الەۋمەتتىك باستاماسىن ىستىق ىقىلاسپەن قابىلدادىق. مەن ءبىلىم سالاسىنىڭ وكىلى بولعاندىقتان, ەلباسىنىڭ وسى بەس باستاماسىنىڭ ىشىندەگى جوعارى ءبىلىم بەرۋ, جاستاردى قولداۋ باعىتىنداعى ماسەلەلەردى ەرەكشە اتاپ وتكىم كەلەدى. ويتكەنى وسكەلەڭ ۇرپاق – ءبىزدىڭ بولاشاعىمىز, مەملەكەت تاراپىنان جوسپارلانعان بارلىق رەفورمالاردى جۇزەگە اسىرۋشى كۇش.
مەنىڭ پىكىرىمشە, كوتەرىلگەن بارلىق باستامادا اۋقىمدى ءارى سالماقتى, وندا قازاقستاندىقتاردى تولعاندىرىپ كەلە جاتقان ماڭىزدى ماسەلەلەر قامتىلعان. ونداعى بارلىق ماسەلەلەر حالقىمىزدىڭ الەۋمەتتىك احۋالىن جاقسارتۋعا باعىتتالعان. ناقتىلاي ايتقاندا, بۇل باستامالار ارقىلى باسپانامەن قامتۋ, سالىقتى تومەندەتۋ, ءبىلىم بەرۋدى ساپالى ءارى قولجەتىمدى ەتۋ, ميكروكرەديتتى كەڭەيتۋ, گازداندىرۋ سەكىلدى ماڭىزدى ماسەلەلەر شەشىمىن تاپپاق. بۇل ءوز كەزەگىندە ەلىمىزدىڭ الەۋمەتتىك تۇرعىدا دامۋىنا مۇمكىندىك بەرەدى. وسى ارادا ەرەكشە توقتالا كەتەر جايت, الەمدىك ەكونوميكالىق داعدارىسقا قاراماستان, ەلباسى ءبىرىنشى كەزەكتە ەلدىڭ الەۋمەتتىك جاعدايىن جاقسارتۋعا, قاراپايىم حالىقتىڭ ءومىر ءسۇرۋ دەڭگەيىن ارتتىرۋعا باسا نازار اۋدارىپ كەلەدى. بۇل كورەگەن باسشىعا ءتان قاسيەت.
كنياز ميرزوەۆ,
«باربانگ» قازاقستان كۇردتەرى قاۋىمداستىعىنىڭ توراعاسى, قحا كەڭەسىنىڭ مۇشەسى
الماتى
