ء"بىز, قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ ۇجىمى ەلباسى نۇرسۇلتان نازارباەۆتىڭ «پرەزيدەنتتىڭ بەس الەۋمەتتىك باستاماسى» اتتى حالىققا ۇندەۋى – قازاقستاننىڭ كەلەشەگىن قامتاماسىز ەتۋگە باعىتتالعان ناقتى ءىس-شارالار جوسپارى, مەملەكەتتىڭ الەۋمەتتىڭ الەۋەتىن ارتتىرۋعا ارنالعان تىڭ قادامدارى دەپ سەنىممەن ايتا الامىز. مەملەكەت باسشىسىنىڭ ۇندەۋىندەگى باستامالار وتانداستارىمىزدىڭ ءال-اۋقاتىن, تۇرمىس دەڭگەيىن, زياتكەرلىك ساپاسىن جوعارىلاتۋدى ءھام جاقسارتۋدى كوزدەيدى. اسىرەسە, پرەزيدەنت باسپانا, سالىق جانە ءبىلىم جاعىنان جان-جاقتى قولداۋ كورسەتۋگە جەتە ءمان بەرىپ وتىر. بۇل تۇرعىدا مەملەكەت باسشىسىنىڭ ەگەمەندىكتىڭ ەلەڭ-الاڭ شاعىنداعى اۋىر كەزەڭدەردە قيىنشىلىقتان شىعۋدىڭ جولدارىن ۇسىنىپ, شيرەك عاسىردان استام عانا ۋاقىت ارالىعىندا قازاقستاندى الەمنىڭ بەدەلدى مەملەكەتتەرىنىڭ ساناتىنا قوسىپ, ەل ازاماتتارىنىڭ باياندى بولاشاعى جولىنداعى اتقارىلۋى ءتيىس وراسان ىستەردىڭ جاۋاپكەرشىلىگىن ءوز موينىنا الاتىندىعىن ەرەكشە اتاپ وتكەن ءجون", – دەپ پىكىر ءبىلدىردى ۇستازدار.
سونىمەن قاتار, قىزدار ۋنيۆەرسيتەتىنىڭ وقىتۋشىلارى پرەزيدەنتتىڭ ۇندەۋى كەمەل كەلەشەك جولىندا اتقارىلۋى ءتيىس اۋقىمدى ىستەردىڭ ايقىن دالەلى ىسپەتتەس دەپ توپشىلايدى. بەس الەۋمەتتىك باستاماداعى ء«اربىر وتباسىنا باسپانا الۋدىڭ جاڭا مۇمكىندىكتەرىن بەرۋ», «جالاقىسى تومەن جۇمىسشىلاردىڭ ەڭبەكاقىسىن كوبەيتۋ ءۇشىن ولاردىڭ سالىق جۇكتەمەسىن ازايتۋ», «جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ, ستۋدەنت جاستاردىڭ جاتاقحاناداعى جاعدايىن جاقسارتۋ», «شاعىن نەسيە بەرۋدى كوبەيتۋ» جانە «ەلدى گازبەن قامتاماسىز ەتۋدى جالعاستىرۋ» سىندى باسىمدىقتار ەكونوميكالىق تۇرعىدان عانا ەمەس, سونىمەن قاتار الەۋمەتتىك جاعىنان دا سونى سەرپىن بەرەدى.
"دامۋدىڭ داڭعىل جولىنا باعىت العان بولاشاعى باياندى ەلدىڭ ءورىسى قاشاندا بىلىكتى دە سانالى ۇرپاعىمەن كەڭەيەتىندىگى, ولاردى مەملەكەتتىڭ تۇتقاسى ەتىپ تاربيەلەۋ قاجەتتىگى ەلباسىنىڭ حالىققا ارناعان جولداۋىنا ۇنەمى ايتىلىپ كەلەدى. ال, ونى ىسكە اسىرۋ مۇعالىمگە جۇكتەلگەن مارتەبەلى مىندەت. ءسوز سوڭىندا مەملەكەت باسشىسىنىڭ ۇندەۋىندە اتاپ كورسەتىلگەن باستامالار ەلىمىزدە ازاماتتاردىڭ بولاشاعىنا دەگەن قامقورلىقتىڭ ناقتى ءىس جۇزىندە ورىندالاتىندىعىنىڭ ناقتى نىشانى", – دەپ اتاپ ءوتتى پەداگوگيكالىق وقۋ ورداسىنىڭ پروفەسسور-وقىتۋشىلارى.
"ۇندەۋدى بارشا وتانداستارىمىزبەن بىرگە قىزدار ۋنيۆەرسيتەتىنىڭ ۇجىمى دا قولدايدى جانە قۇجاتتا كورسەتىلگەن ءوز سالامىزعا قاتىستى مىندەتتى الداعى ۋاقىتتا ىسكە اسىرۋعا ءوز ۇلەسىمىزدى قوساتىن بولامىز", – دەيدى ولار.
