اتالمىش شارا ۇستىمىزدەگى جىلدىڭ 5 ناۋرىزىندا ەلباسىنىڭ قازاقستان رەسپۋبليكاسىنىڭ پارلامەنتى پالاتالارىنىڭ بىرلەسكەن وتىرىسىندا جاساعان بايانداماسىنىڭ ءمانى مەن ماڭىزىن تالداپ-ءتۇسىندىرۋ ماقساتىندا ۇيىمداستىرىلدى.
دوڭگەلەك ۇستەلدى ءدىن ماسەلەلەرى جونىندەگى عىلىمي-زەرتتەۋ جانە تالداۋ ورتالىعىنىڭ ديرەكتورى, فيلول.ع.ك. ابدىراسىلقىزى اينۇر جۇرگىزدى. ا.ابدىراسىلقىزى ەلباسى باستامالارىنداعى بۇگىنگى قوعام ءۇشىن ماڭىزى زور الەۋمەتتىك ماسەلەلەرگە نازار اۋدارا وتىرىپ, ولاردىڭ دەر كەزىندە جاسالىپ وتىرعان ىرگەلى قادامدار ەكەنىنە توقتالدى.
ء«وز كەزەگىندە ءدىني احۋالدىڭ جاي-كۇيى دە الەۋمەتتىك جاعدايمەن تىكەلەي بايلانىستى, ويتكەنى ءدىني احۋال – الەۋمەتتىك قۇبىلىس. ءدىن سالاسىنداعى كوپتەگەن كەلەڭسىزدىكتەر الەۋمەتتىك ماسەلەلەردىڭ شەشىلمەۋىنەن باستاۋ الادى. زەرتتەۋلەر ناتيجەسىنە سۇيەنسەك, قازاقستانداعى تەراكتىلەرگە تىكەلەي قاتىسقانداردىڭ 52%-ى الەۋمەتتىك جاعدايى تومەن, باسپاناسىز جانە جۇمىسسىز ازاماتتار ەكەن. سونىمەن قاتار 84%-ىنىڭ ارنايى ءدىني ءبىلىمى بولماعان. ياعني ەلباسى نەگىزدەگەن الەۋمەتتىك ورتا مەن ءبىلىم سالاسىنا قاتىستى باستامالاردى ورنىقتى تۇردە جۇزەگە اسىرۋ ءوز كەزەگىندە تەرىس پيعىلدى ءدىني يدەولوگيانىڭ تارالۋىنا بەلگىلى ءبىر دارەجەدە توسقاۋىل قويۋعا مۇمكىندىك بەرەتىنى ايقىن» دەپ اتاپ كورسەتتى ساراپشى.
دوڭگەلەك ۇستەل بارىسىندا ءسوز العان قر دىاقم ءدىن ىستەرى كوميتەتىنىڭ ءدىني ەكسترەميزمگە قارسى كۇرەس جانە وڭالتۋ باسقارماسىنىڭ باسشىسى باكيروۆ باۋىرجان جالەل ۇلى ەلباسى باستامالارىنىڭ اسىرەسە جاڭا بۋىن جاستار ءۇشىن ايرىقشا ءتيىمدى ەكەنىنە توقتالسا, قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ «ياسساۋيتانۋ» عىلىمي-زەرتتەۋ ورتالىعىنىڭ ديرەكتورى, پروفەسسور, تەول.ع.د. كەنجەتاي دوساي تۇرسىنباي ۇلى مەملەكەتتىك ساياساتتا الەۋمەتتىك قاباتتارعا ەمەس, تۇلعا ساناسىنا نازار اۋدارىلا باستاعانىن ەلەۋلى جەتىستىك رەتىندە اتاپ ءوتتى.
ل.ن.گۋميلەۆ اتىنداعى ەۇۋ الەۋمەتتىك عىلىمدار فاكۋلتەتىنىڭ ءدىنتانۋ كافەدراسى مەڭگەرۋشىسى, ف.ع.ك., عزتو جەتەكشى عىلىمي قىزمەتكەرى تىشحان كەڭشىلىك قوعام مۇشەلەرى ءۇشىن الەۋمەتتىك جاعدايدىڭ ءبىرىنشى ورىندا تۇراتىنىن جان-جاقتى نەگىزدەي كەلىپ, ەلباسى كوتەرگەن الەۋمەتتىك باستامالاردىڭ ورىندالۋى ءدىن سالاسىندا دا كەلەڭسىز قۇبىلىستار كورسەتكىشىنىڭ تومەندەۋىنە مۇمكىندىك بەرەتىنىن تۇجىرىمدادى.
شارا بارىسىندا «تەرروريزمگە قارسى كوميتەت» قب توراعاسى ورازباەۆ امانجول زەينوللا ۇلى, «ۇلاعات» مادەنيەت جانە دامۋ قورىنىڭ ءتورايىمى جۇماقاسوۆا قاماجان عابدراشقىزى, ء«تورتىنشى بيلىك» قوعامدىق-ساياسي گازەتىنىڭ باس رەداكتورى بالتاباەۆ تولەمىرزا تەمىربەك ۇلى, تاعى باسقا بىلىكتى ماماندار بايانداما جاساپ, ەلباسى ۇسىنعان الەۋمەتتىك شەشىمدەردىڭ جاستاردى جات پيعىلداعى اعىمداردان ساقتاۋدىڭ نەگىزگى قۇرالى, ال الەۋمەتتىك تۇراقتىلىقتىڭ ىشكى بىرلىككە باستار جول ەكەنىن جان-جاقتى قىرىنان تالداپ كورسەتتى. قاتىسۋشىلار ەلباسى باستامالارىن قوعامدىق ورتادا كەڭىنەن تالقىلاپ-ءتۇسىندىرۋدىڭ ايرىقشا ماڭىزدىلىعىنا نازار اۋداردى.
