«ەلباسى نۇرسۇلتان نازارباەۆتىڭ حالىققا جولداعان «پرەزيدەنتتىڭ بەس الەۋمەتتىك باستاماسى» اتتى ۇندەۋىندەگى اتاپ وتكەن بەس الەۋمەتتىك ماسەلەلەردىڭ بارلىعى دا بۇگىنگى كۇنى وزەكتى. اسىرەسە, ستۋدەنت قاۋىم ءۇشىن جاتاقحانا ماسەلەسى ەرەكشە نازارىمىزدى اۋدارعانى ءمالىم. ەلباسى جاستار ءۇشىن ۇلكەن مۇمكىندىكتەر جاساپ وتىر. ءبىلىم گرانتىنىڭ ءبولىنۋى مەملەكەتتىڭ جاستارعا جاساپ وتىرعان وراسان زور قامقورلىعى» دەدى ەركىن امانجول ۇلى.
وبلىستىق جاستار ءىسى جونىندەگى باسقارما باسشىسى كەنەش ءالىمجانوۆ ەلباسى ۇندەۋىندەگى الەۋمەتتىك ماسەلەلەر جاستار مەن ستۋدەنتتەر ءۇشىن ۇلكەن مۇمكىندىك ەكەنىن, سوعان وراي تالپىنىس كەرەكتىگىن تىلگە تيەك ەتتى.
« ەلباسى ۇندەۋىنىڭ ءبىرىنشى باستاماسىندا ايتىلعانداي, ء ار ادام ءۇشىن ەڭ باستىسى باسپانا بولىپ تابىلادى. اسىرەسە, جاستار وقۋدى ءبىتىرىپ, ەڭبەككە ارالاسقاندا باسپانا كەرەك بولادى, وتباسىن قۇرعاندا ونىڭ قاجەتتىگى ارتا تۇسەدى. بۇرىن جاستار وقۋدى بىتىرىسىمەن باسپانا الا امايتىن, بىرنەشە جىل جالعا العان پاتەردە, ۇيدە تۇرادى, ابدەن قارجى جيناپ, كەزەككە تۇرىپ, ول كەلگەن سوڭ عانا الاتىن. بانكتىڭ پايىزدىق ۇستەمەسى دە جوعارى بولاتىن. مىنە, ەندى ەلباسى «7-20-25» مەملەكەتتىك باعدارلاماسىن ۇسىنىپ وتىر. بۇل ءاربىر جاس ءۇشىن مەملەكەت باسشىسىنىڭ اكەلىك قامقورلىعى دەپ ايتۋعا بولادى» دەدى كەنەش عاليبەك ۇلى.
نۇرسۇلتان نازارباەۆتىڭ «پرەزيدەنتتىڭ بەس الەۋمەتتىك باستاماسى» ۇندەۋىمەن ستۋدەنتتەردىڭ وزدەرى تانىسىپ, قۋانىشتارىن ءبىلدىردى. ەكىنشى كۋرس ستۋدەنتى دارحان مۇساقوۆ – بولاشاق تاريحشى. ول «سەرپىن» باعدارلاماسى بويىنشا تاراز قالاسىنان كەلىپ ءبىلىم الىپ ءجۇر. ەلباسىنىڭ ۇندەۋىندە ايتىلعان ماسەلەلەر جاستاردىڭ الەۋمەتتىك تۇرمىسىن كوتەرەرىنە ول سەنىمدى.
«مەن قازىر پاتەر جالداپ تۇرامىن. زاماناۋي تالاپپەن سالىنعان جايلى جاتاقحانا قازىر ءار ستۋدەنتتىڭ ارمانى عانا بولاتىن. بولاشاقتا جايلى جاتاقحانالار ستۋدەنتتەردىڭ تۇرمىسىن كوتەرەرى ءسوزسىز» دەيدى دارحان.
باسقوسۋ سوڭىندا ينستيتۋت رەكتورى ەركىن ءابىل مەملەكەتتىڭ وسىنداي قامقورلىعىنا ستۋدەنت جاستار تەك جاقسى وقۋىمەن, ساپالى بىلىمىمەن جانە بولاشاقتا بىلىكتى مامان بولۋىمەن جاۋاپ بەرۋى ءتيىس ەكەندىگىن ايتتى.
ءنازيرا جارىمبەت
«ەگەمەن قازاقستان»
قوستاناي
