قۇتقارۋ-ىزدەستىرۋ جۇمىستارىن جۇرگىزۋ ۋاقىتىندا اداسقاندارمەن ۇيالى تەلەفون ارقىلى بايلانىس جاساۋعا مۇمكىندىك بولدى. الايدا قالىڭ تۇمان ىزدەستىرۋ شارالارىنا ايتارلىقتاي كەدەرگى كەلتىردى. ەكى ساعات جۇرگىزگەن جۇمىستان كەيىن «اۋليەكول-جالداما» تاس جولىنىڭ 5-ءشى شاقىرىمىندا قۇتقارۋشىلار بەلگى رەتىندە اداسقانداردىڭ نازارىن اۋدارۋ ءۇشىن دالادان ساباننىڭ ءۇيىندىسىن تاۋىپ, وت جاعادى.
الىستان جانعان وت جالىنىن بايقاعان 1972 جىلعى ەر ادام مەن 1971 جىلى تۋعان ايەل جارىققا قاراي ءجۇردى. كوپ ۇزاماي قۇتقارۋشىلار كولىكتەرىن تاستاپ, جارتى مەترلىك وپپى قارمەن جوبالاي وتىرا اداسقان ادامدار جاققا جۇرەدى. جوعالعانداردىڭ ۇيالى تەلەفونىمەن بايلانىستا بولىپ, قۇتقارۋشىلار وقيعانى الىس قاشىقتىقتان باسقارا الدى.
تۇنگى ساعات 02 ساعات 40 مينۋتتا قۇتقارۋشىلار ەر ازاماتتى, ونىڭ ىزىمەن كەرى جۇرە وتىرىپ, ساعات 03.00 شاماسىندا السىرەگەن ايەلدى تاپتى. قۇتقارۋشىلارعا كومەككە اۋليەكول اۋدانىنىڭ №15 ءورت ءسوندىرۋ ءبولىمىنىڭ قىزمەتكەرلەرى كەلىپ جەتتى. ولار زارداپ شەككەندەردى جىلىتىپ, گاز-66 اۆتوكولىگىمەن اۋداندىق اۋرۋحاناعا جەتكىزدى. دارىگەرلەر اداسقانداردىڭ ەكەۋىنىڭ دە اياق-قولدارى مەن بەتىن ورتا دەڭگەيدە ۇسىك شالعانىن انىقتادى.
ءنازيرا جارىمبەت
«ەگەمەن قازاقستان»
قوستاناي
