كوكتەم مەرەكەسىنە وراي «الجير» مۇراجايىندا اشىلعان بالالار سۋرەت كورمەسى جالعاسىپ جاتىر. ناۋرىزدىڭ 5-ءسى مەن 9-ى ارالىعىندا ساكەن سەيفۋللين مۋزەيىندە «ساكەن سۇيگەن ارۋلار» اتتى كورمە, ال 7-ءشى جانە 10-شى ناۋرىز ارالىعىندا «قازاق ارۋلارىنىڭ اشەكەي بۇيىمدارى» اتتى ەكسپوزيتسيا كوپشىلىك نازارىنا ۇسىنىلادى.
مەرەكەگە وراي 6 ناۋرىزدا «ماڭگىلىك ەل» قاقپاسىنىڭ شولۋ الاڭىندا ەلوردالىق ايەلدەر كلۋبتارىنىڭ مۇشەلەرىنە ارناپ «سيمۆول سوۆرەمەننوگو كازاحستانا – تريۋمفالنايا اركا «ماڭگىلىك ەل» ەكسكۋرسياسى ۇيىمداستىرىلادى.
نازىك جاندار مەرەكەسىنە وراي ەلوردالىق تەاترلار كورەرمەندەردىڭ سۇيىكتى قويىلىمدارىن قويادى. 7 ناۋرىزدا م.گوركي اتىنداعى مەملەكەتتىك اكادەميالىق ورىس دراما تەاترىندا «پريمادوننى» كومەدياسىن, ال ق.قۋانىشباەۆ اتىنداعى قازاق تەاترىندا «زەرە» دراماسىن تاماشالاۋعا بولادى. 9 ناۋرىزدا «جاستار» تەاترى «ماحاببات مينياتيۋرالارى» اتتى تەاترلاندىرىلعان كونتسەرتتىك باعدارلامانى تاماشالاۋعا شاقىرادى.
10 ناۋرىزدا «جاستار» سارايىندا «ۆەسەننيايا كاپەل» بي ءتۋرنيرى وتەدى. سونىمەن قاتار 10 ناۋرىزدان 1 ساۋىرگە دەيىن ەلوردالىق تسيركتە «Skifiy» لازەرلىك شوۋى كوپشىلىك نازارىنا ۇسىنىلادى.
قالالىق كىتاپحانالاردا دا مەرەكەگە وراي ناۋرىز ايىندا ايەلدەردىڭ قوعامداعى رولىنە جانە سۇلۋلىعىنا ارنالعان دارىستەر, اڭگىمەلەسۋلەر, كەزدەسۋلەر, ادەبي كەشتەر ۇيىمداستىرىلادى.
