فوتو: ورىنباي بالمۇرات, «ەگەمەن قازاقستان»
بەينەكونفەرەنتسيا فورماتىندا وتكەن وتىرىستى بەكبولات تىلەۋxان جۇرگىزدى. وعان ەلىمىزگە كەڭىنەن تانىلعان قوعام قايراتكەرلەرى, پارلامەنت دەپۋتاتتارى, اقپارات جانە كوممۋنيكاتسيالار ءمينيسترى داۋرەن اباەۆ, «ەگەمەن قازاقستان» باسىلىمىنىڭ توراعاسى دارxان قىدىرالى, «قازاقستان» رترك باسشىسى ەرلان قارين, سونداي-اق وزگە دە تانىمال تۇلعالار قاتىستى. ال بەينە بايلانىس ارقىلى «نۇر وتان» پارتياسى فيليالىنىڭ وكىلدەرى مەن ەرىكتىلەر قاتىستى.
كەڭەس مۇشەلەرى كەزدەسۋ بارىسىندا «ۇلتتىق كودتى قالىپتاستىرۋداعى مەملەكەتتىك تەلەارنالاردىڭ ءرولى جانە باسىلىمدار, تەلە, كينو ونىمدەرى, كورسەتىلەتىن باعدارلامالاردىڭ ساپاسى زامان تالابىنا, باسەكەلىككە سايكەستىگى» تۋرالى ماڭىزدى تاقىرىپتى تالقىعا سالدى.
القالى جيىندا العىسوزدى العان داۋرەن اباەۆ مەملەكەت باسشىسىنىڭ تاپسىرماسى بويىنشا حالقىمىزدىڭ سالت-ءداستۇرىن, تاريxى مەن ۇلتتىق قۇندىلىقتارىن ناسيxاتتايتىن تەلەونىمدەرگە باسا ءمان بەرىلىپ وتىرعانىن جەتكىزدى. سونىڭ نەگىزىندە وتكەن جىلى «جاڭعىرۋ جولى. جاڭا تۇرپات» دەرەكتى ءفيلمى تۇسىرىلگەنىن, 131 الەۋمەتتىك بەينەروليك دايىندالعانىن اتاپ ءوتتى.
– مەملەكەتتىك تەلەارنالار ءوز قاراجاتىنان 13 تەلەۆيزيالىق جوبا مەن توك-شوۋ, 3 سەريال جانە 5 دەرەكتى فيلم ءتۇسىردى. بۇدان بولەك, شەتەلدىك كورەرمەندەر ءۇشىن «Kazakh tv» ارناسى xابار تاراتىپ جاتىر. ال مەملەكەتتىك اقپاراتتىق تاپسىرىس اياسىندا بەس مەملەكەتتىك ەمەس تەلەارنا مەن راديو جۇمىلدىرىلدى. ونىڭ ناتيجەسىندە ەلباسىنىڭ «رۋxاني جاڭعىرۋ» ماقالاسىنا ارنالعان ەكى دەرەكتى فيلم, ءتورت باعدارلاما دايىندالدى, – دەدى اقپارات جانە كوممۋنيكاتسيالار ءمينيسترى.
بۇدان بولەك داۋرەن اباەۆ مەملەكەت باسشىسى تەلەارنالارداعى سەريال ونىمدەرىن, ونىڭ ساپاسىن ارتتىرۋ ءىسىن تاپسىرعانىن ەرەكشە اتاپ ءوتتى. سونداي-اق «حابار 24», «Qazaqstan», «حابار», «استانا», «كتك», «Atameken Business Channel», «تەنگري فم» ارنالارىنىڭ جۇمىلدىرىلۋىمەن اتقارىلىپ جاتقان جۇمىستار جايلى ايتۋدى دا ۇمىتپادى. سونىمەن قاتار قازاقستان xالقى اسسامبلەياسىمەن بىرىگىپ «قازاقستاننىڭ 100 جاڭا ەسىمى» جوباسى ازىرلەنىپ جاتقانىن, وسىنىڭ نەگىزىندە جوبا قاتىسۋشىلارىنا ارنالعان دەرەكتى فيلم دايىندالعانىن دا تىلگە تيەك ەتتى.
باسقوسۋدا ءسوز العان «Qazaqstan» رترك باسشىسى ەرلان قارين تەلەارناداعى وتاندىق ونىمدەردىڭ ۇلەسى قازىر 80 پايىزعا جەتكەنىن ەرەكشە اتاپ ءوتتى. بۇرىن بۇل كورسەتكىش تەك 50 پايىزدى قۇراعان ەكەن. سونىمەن قاتار ول جاقىن ارادا «التىن قوردا» ساقتاۋلى تۇرعان, ياعني جۇرتتىڭ ىستىق ىقىلاسىنا بولەنگەن ۇزدىك باعدارلامالار كورەرمەن نازارىنا ۇسىنىلاتىنىن ايتتى. ولاردىڭ قاتارىندا «ۇلت پەن سانا», «پارىز بەن قارىز» باعدارلامالارى بار.
جيىن سوڭىندا قاتىسۋشىلار, وڭىرلەردەن بەينەكونفەرەنتسيا ارقىلى بايلانىسقا شىققان ەرىكتىلەر ءوز ويلارىن ءبىلدىرىپ, ۇسىنىستارىن ايتتى. ءوز كەزەگىندە تەلەجۇرگىزۋشى اينۇر تۇرسىنباەۆا بىرەر اي بۇرىن كوپشىلىكتىڭ كوڭىلىنەن شىققان «دۆيجەنيە ۆۆەرح» ءفيلمى سەكىلدى تۋىندىلار ءتۇسىرىلۋى كەرەكتىگىن العا تارتتى. ءوز ۇسىنىسىندا ول بەكزات ساتتارحان, قايرات رىسقۇلبەك سەكىلدى ەلدىڭ ماقتانىشىنا اينالعان تۇلعالار جايلى فيلمدەر قاجەت ەكەنىن ايتتى.
ايان ءابدۋالي,
«ەگەمەن قازاقستان»
