جەل ستانساسىن ورناتۋ ءۇشىن كاسپي تەڭىزى جاعالاۋىنداعى ماناش اۋىل ماڭى تاڭدالعان. بۇل كەزدەيسوق ەمەس. زەرتتەۋلەرگە سايكەس, بۇل جەردە جەلدىڭ جىلدامدىعى سەكۋندىنا 10-12 م/س-قا جەتەدى. ەلەكتر ستانساسىنىڭ تۇراقتى جۇمىس ىستەۋى ءۇشىن 4 م/س جەتكىلىكتى.
بارلىعى 36 جەل تۋربيناسىن ورناتۋ جوسپارلانىپ وتىر. قازىرگى ۋاقىتتا جەتەۋى ورناتىلعان. ولاردىڭ ارقايسىسىنىڭ سالماعى شامامەن 230 توننا, بيىكتىگى 100 مەتردەن اسادى.
- ەلەكتر ستانساسى جاڭارتىلاتىن ەنەرگيا كوزدەرىن دامىتۋعا ارنالعان باعدارلاما نەگىندە جۇرگىزىلۋدە. جوبا جەل پاركتەرىن سالۋعا, سونداي-اق, «اتىراۋجارىق» اق-نىڭ جەلىلەرىنە قوسىلاتىن ەكى قوسالقى ستانسانىڭ قۇرىلىسىن سالۋدى كوزدەيدى. جۇمىستى «ۆەتروەنەرگوتەحنولوگي» جشس قولعا العان. جوبانىڭ قۇنى 12,3 ملرد تەڭگە. بۇل ستانسا اتىراۋ وبلىسىندا وندىرىلگەن بارلىق ەلەكتر ەنەرگياسىنىڭ 13-14% پايىزىن قۇرايدى, - دەيدى وبلىستىق ەنەرگەتيكا جانە تۇرعىن ءۇي كوممۋنالدىق شارۋاشىلىق باسقارماسىنىڭ باسشىسى جۇماباي قاراعاەۆ.
باقىتگۇل باباش,
«ەگەمەن قازاقستان»
