فرانتسيانىڭ قازاقستانداعى ەلشىسىنىڭ ايتۋىنشا, 2006 جىلدان بەرى قازاقستان ەۋروپانىڭ جوعارى ءبىلىم بەرۋ جۇيەسىنە قاتىسىپ كەلەدى. الايدا بۇگىندە ستۋدەنتتەردىڭ تەك 3 پروتسەنتى عانا ەۋروپاعا بارىپ وقيدى. بۇل - تىم از كورسەتكىش. ماسەلەن, قازىرگى كەزدە فرانتسيا ۋنيۆەرسيتەتتەرىندە 310 مىڭ شەتەل ستۋدەنتتەرى وقيدى. سونىڭ ىشىندە 35 مىڭ ادام - قىتاي ازاماتتارى. ال قازاقستاندىق ستۋدەنتتەردىڭ سانى 600-گە دە جەتپەيدى.
«بۇگىن مەن «Abai-Vern» باعدارلاماسىنىڭ باستالاتىنىن رەسمي تۇردە جاريالايمىن. اتالعان باعدارلاما اياسىندا فرانتسيا ۇكىمەتى حالىقارالىق باعدارلامالار ورتالىعىمەن («بولاشاق» - اۆت.) بىرلەسىپ, ستۋدەنتتەردىڭ وقۋىن قارجىلاندىرادى. 2018 جىلدان باستاپ 100 ستيپەنديا قاراستىرىلعان. سونىڭ ىشىندە 90 ستيپەنديا ماگيستراتۋرانىڭ 2-كۋرسىندا وقيتىندار اراسىندا تاراتىلادى. قالعان 10 ستيپەنديا دوكتورانتتارعا بەرىلەدى», - دەدى ف.مارتينە بۇگىن «International Education Fair 2018» حالىقارالىق ءبىلىم كورمەسى اياسىندا.
وسىدان كەيىن ەلشى مىرزا اباي قۇنانباەۆتىڭ مۇراسى جايىندا قازاق تىلىندە ايتىپ بەردى.
« ۇلى اباي - قازاق xالقىنىڭ ماقتانىشى, لەرمونتوۆ, گەتە مەن پۋشكيندى قازاقشا سويلەتكەن اعارتۋشى, قازاق ەلىنىڭ دانىشپانى. ول - جيۋل ۆەرندى قازاق وقىرمانىنا تانىستىرعان جازۋشى, دۇنيەجۇزىندە ەڭ كوپ اۋدارىلعان اۆتورلاردىڭ ءبىرى», - دەپ اتاپ كورسەتتى ف.مارتينە.
