وندا وبلىس اكىمى قۇمار اقساقالوۆ تاريحي قۇجاتتا بەلگىلەنگەن مىندەتتەر بويىنشا جەرگىلىكى جەرلەردە اتقارىلاتىن جۇمىستار تۋرالى بايانداپ بەردى.
«جولداۋ جاھاندىق ونەركاسىپتىك رەۆوليۋتسيا كەزەڭىندەگى ەلىمىزدىڭ باعىتىن بەلگىلەيتىن, الداعى جوسپارىن ايقىندايتىن نەگىزگى قۇجات بولىپ سانالادى. پرەزيدەنت وندا قازاقستاننىڭ جەتكەن جەتىستىكتەرىن ساقتاپ, جاڭا بەلەستەردى باعىندىرۋعا باعىتتالعان 10 نەگىزگى تاپسىرمانى اتادى», دەدى قۇمار ىرگەباي ۇلى.
ءوڭىر باسشىسى ءىرى زاۋىتتاردى جاڭعىرتۋ شارالارى كۇتىپ تۇرعانىن ايتتى. بۇل ورايدا «ماسلو-دەل» كومپانياسىنىڭ جاڭا ءسۇت زاۋىتى جانە «اۋليە گولد ماينينگ» التىن ءوندىرۋ كەشەنىنىڭ جاڭعىرتۋ تاجىريبەلەرى كوپكە ۇلگى.
بيىل قىزىلجار اۋدانىندا 1 مۆت قۋاتى بار بيوگاز قوندىرعىسى بوي كوتەرەدى. «Greencity KZ» جشس 35 مۆت قۋاتقا تەڭ بار جەل ەلەكتر ستانساسىن سالۋعا كىرىستى. فينليانديانىڭ «Kauko International» كومپانياسىمەن قالدىقتاردى وڭدەپ, ونى ەلەكتر ەنەرگياسىنا اينالدىرۋ جوباسى بويىنشا كەلىسسوزدەر جۇرگىزىلىپ جاتىر.
جىل اياعىنا دەيىن 369 كيلومەتر جول جوندەلەدى. بۇل باعىتقا 10,5 ميلليارد تەڭگە قاراستىرىلعان. «ترانسموتورسگرۋپپ» جشس مامليۋت اۋدانىندا كولىكتىك-لوگيستيكا ورتالىعىن اشۋدى كوزدەپ وتىر. وندا جۇك جيناۋ, ءدامحانا, قوناق ءۇي, تەحنيكالىق قىزمەت كورسەتۋ كەشەنى بولادى. پەتروپاۆل قالاسىنىڭ باس جوسپارىنا سايكەس ينتەراكتيۆتى ينۆەستيتسيالىق كارتالار مەن ەلەكتروندىق ساۋلەت ينتەرنەت جوبالارى ىسكە اسادى.
جيىندا «تايىنشا استىق» فيرماسىنىڭ ديرەكتورى اناتولي رافالسكي, دارىندى بالالارعا مامانداندىرىلعان «لورد» مەكتەپ-ليتسەيىنىڭ ديرەكتورى گۇلجان جاقانوۆا, نازارباەۆ زياتكەرلىك مەكتەبىنىڭ ديرەكتورى نۇرعالي ەلشىبەكوۆ, «ەسىل» وڭىرلىك دامۋ ورتالىعىنىڭ جەتەكشىسى رۋسلان ءشارىپوۆ, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وبلىس بويىنشا دەپارتامەنتىنىڭ باسشىسى عالىم تۇرسىنباەۆ ءسوز سويلەپ, ءوز ويلارىن ورتاعا سالدى.
ءومىر ەسقالي,
«ەگەمەن قازاقستان»
