«ەگەمەن قازاقستان» رگ» اق باسقارما توراعاسى دارحان قىدىرالى مەن The New York Times قىزمەتكەرى توماس لاندون
«بۇگىن الەمدەگى ەڭ بەدەلدى باسىلىمنىڭ ءبىرى The New York Times گازەتىندە بولدىق. جۋرناليستەرمەن كەزدەسىپ, پىكىر الماستىق. گازەت جۇمىسىمەن تانىسىپ, بولاشاقتا بايلانىستار ورناتۋدىڭ جولدارىن تالقىلادىق», دەپ حابارلادى باسقارما توراعاسى دارحان قىدىرالى.
1851 جىلدان بەرى ۇزبەي جارىق كورىپ كەلە جاتقان امەريكالىق بەدەلدى باسىلىم اۋەلى ايماققا عانا تارالدى. ۋاقىت وتە كەلە الەمدە ەڭ كوپ وقىلاتىن ىقپالدى گازەتتەردىڭ ءبىرى اتاندى. جاھاندىق وزگەرىستەرگە تەز بەيىمدەلگەن باسىلىم ينتەرنەتكە دە ەركىن يكەمدەلىپ, وقىرمان اۋديتورياسىن كەڭەيتە ءتۇستى. قازىرگى كەزدە ونىڭ ينتەرنەتتەگى نۇسقاسى ايىنا 30 ميلليون ادام قارايتىن ەڭ تانىمال جاڭالىقتار سايتىنا اينالىپ وتىر.
اقپارات ايدىنىندا سەنىمدى دەرەك كوزى بولۋعا ۇمتىلعان گازەتتىڭ بۇگىندە الەمنىڭ كوپتەگەن ەلىندە وكىلدىكتەرى بار.
