قازاقستان رەسپۋبليكاسى پارلامەنتى سەناتىنىڭ توراعاسى ق.توقاەۆ قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ اقش-قا ساپارى تۋرالى ءوزىنىڭ تۋيتتەردە جاريالانعان جازباسىندا «پرەزيدەنت ن. نازارباەۆتىڭ اق ۇيدەگى كەلىسسوزدەرى ەكىجاقتى ىنتىماقتاستىقتى دامىتۋ جانە حالىقارالىق جاعداي جونىندەگى قازاقستان مەن اقش كوزقاراستارىنىڭ ۇقساستىعىن كورسەتتى. ترامپ قازاقستاندى كورەي جارتى ارالىن يادرولىق قارۋسىزداندىرۋ جونىندەگى ارىپتەسى ەكەنىن ايتتى. ساپاردىڭ تاريحي ماڭىزدى اسا زور!», - دەپ جازدى.
سونداي-اق جوعارعى پالاتانىڭ توراعاسى «ۆاشينگتون پرەزيدەنت ن. نازارباەۆتى جىلى شىرايمەن قابىلدادى جانە د. ترامپ ونى «زور قۇرمەتكە يە كوشباسشى» ەكەنىن ايتتى. ءوز ەلىندە دە, حالىقارالىق قوعامداستىقتا دا ەڭبەك سىڭىرگەن قازاقستان كوشباسشىسىنا لايىقتى باعا بەرىلدى», - دەپ اتاپ ءوتتى.
