2018 جىلدىڭ 19-23 قاڭتار ارالىعىندا اقش كونگرەسس كىتاپحاناسى مەن نيۋ-يورك قالاسىنداعى كوپشىلىك كىتاپحاناسىنا قازاقستان جايىندا كىتاپ تاپسىرۋ جانە قازاقستان ادەبيەتى مەن مادەنيەت ورتالىعىنىڭ سالتاناتتى تۇردە اشىلۋى وتەدى. وسى ءىس-شارا مەملەكەت باسشىسى نۇرسۇلتان ءابىش ۇلى نازارباەۆتىڭ امەريكا قۇراما شتاتتارىنا (اقش) رەسمي ساپارى اياسىندا جۇرگىزىلەدى.
ءىس-شارا قازاقستان رەسپۋبليكاسىنىڭ اقش-تاعى توتەنشە جانە وكىلەتتى ەلشىسى ەرجان حوزە ۇلى قازىحانوۆ, قازاقستان رەسپۋبليكاسىنىڭ نيۋ-يورك قالاسىنداعى باس كونسۋلى ءابدراشوۆ جانىبەك جاراسقان ۇلى, اقش كونگرەسس كىتاپحاناسى مەن نيۋ-يوركتىك كوپشىلىك كىتاپحاناسىنىڭ باس ديرەكتورى ەنتوني ماركس, قوعامدىق جانە شىعارماشىلىق زيالى قاۋىم, ستۋدەنتتەر مەن قازاقستاننىڭ نيۋ-يورك قالاسىنداعى ۇلتتىق-مادەني ورتالىعىنداعى قازاقستاندىق دياسپورا وكىلدەرىنىڭ قاتىسۋىمەن وتەدى.
اقش-تىڭ كونگرەسس كىتاپحاناسى مەن نيۋ-يورك قالاسىنىڭ كوپشىلىك كىتاپحاناسى الەمنىڭ ۇزدىك عىلىمي كىتاپحانالارى بولىپ تابىلادى, باي تاريحىمەن جانە سالت-داستۇرىمەن, بىرەگەي, راريتەتتىك باسىلىمدارمەن, قورلارى ارقىلى بۇكىل الەم مەن كەڭىستىكتەگى وقىرماندارعا قىزمەت كورسەتە الادى.
قازاقستان ادەبيەتى ورتالىعىنىڭ اشىلۋى اقش استانالىق ورتالىق كىتاپحاناسى وقىرماندارىنا قازاق حالقىنىڭ سالت-ءداستۇرى, مادەنيەتى, ونەرىمەن جاقىن تانىسۋعا مۇمكىندىك بەرەدى. بۇل تاۋەلسىز قازاقستاننىڭ جەتىستىكتەرى مەن ونىڭ ەكونوميكا, ساياسات, الەۋمەتتىك سالالارداعى تابىستارىن كوپشىلىككە تانىستىرۋعا جول اشادى.
ورتالىقتا قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازارباەۆتىڭ, سونىڭ ىشىندە, ەلباسىنىڭ الەمدىك ساياسي ارەناداعى ورنى مەن رولىنە ارنالعان كىتاپتارى, تاريح, عىلىمي-كوپشىلىك جانە كوركەم ادەبيەتى بويىنشا كىتاپتار ۇسىنىلادى. بارلىعى 400 دەن استام كىتاپ تاپسىرىلادى. بۇل كىتاپتار امەريكاندىق وقىرماندارى اراسىندا ۇلكەن قىزىعۋشىلىققا يە بولىپ, قازاقتىڭ باي مادەني مۇراسىن تانۋعا مۇمكىندىك بەرەرى ءسوزسىز.
قازاقستان ادەبيەتى مەن مادەنيەتى ورتالىعى قازاقستان رەسپۋبليكاسىنىڭ مادەنيەت جانە سپورت مينيسترلىگى, سىرتقى ىستەر مينيسترلىگى, قازاقستان رەسپۋبليكاسىنىڭ اقش-تاعى ەلشىلىگىنىڭ ىقپالداسۋىمەن اشىلادى.
