كىتاپحانانىڭ كىتاپحانا پروتسەستەرىن اۆتوماتتاندىرۋ ءبولىمىنىڭ مەڭگەرۋشىسى باقتىگۇل باقىتجانقىزى ەلباسى نۇرسۇلتان نازارباەۆتىڭ «تاۋەلسىزدىك ءداۋىرى» كىتابىنىڭ ەلەكتروندى نۇسقاسى جارىق كورگەنىن, بۇل تۋرالى اقوردانىڭ فەيسبۋكتاعى رەسمي پاراقشاسى مەن تۋىندىنىڭ ەلەكتروندى ۇلگىسى akorda.kz سايتىنداعى مەملەكەت باسشىسىنىڭ دەربەس پاراقشاسىنا ورنالاستىرىلعاندىعىنان حاباردار ەتتى.
كىتاپتا «قازاقستاندىق دامۋ ۇلگىسىنىڭ» تابيعاتى مەن ونىڭ ەۆوليۋتسياسى, باستى ۇستانىمدارى مەن قوزعاۋشى كۇشتەرى سارالانعان. قازاقستاندى جاڭعىرتۋدىڭ ءۇش تولقىنى كەڭىنەن اشىپ كورسەتىلگەن. ءبىرىنشى جانە ەكىنشى جاڭعىرتۋ اياسىندا توتاليتارلىق جۇيەدەن تۇبەگەيلى اجىراپ, نارىقتىق ەكونوميكانى قۇرۋ جانە باسەكەگە بارىنشا قابىلەتتى ەلۋ ەلدىڭ قاتارىنا قوسىلۋ مىندەتى مەرزىمىنەن بۇرىن ورىندالدى. ءۇشىنشى جاڭعىرتۋدىڭ ماقساتى – ەلىمىزدى قالىپتاسقان جاڭا جاھاندىق احۋال جاعدايىندا جاڭعىرتا وتىرىپ, الەمدەگى ەڭ وزىق 30 مەملەكەتتىڭ قاتارىنا قوسۋ», دەپ كىتاپتىڭ تاريحىنداعى مازمۇنىن ءوز وقىرماندارىنا جەتكىزدى.
اقتوبە وبلىستىق ۇكىمەتتىك ەمەس ۇيىمدار قاۋىمداستىعىنىڭ پرەزيدەنتى ايگۇل ەگىزبايقىزى تۋىندىدا تاۋەلسىزدىك كەزەڭىندەگى تاريحتىڭ بارلىق سالاسى, ءومىردىڭ بارلىق سالاسى قامتىلعاندىعىن ايتىپ ءوتتى. ال وبلىستىق ىشكى ىستەر دەپارتامەنتىنىڭ مەملەكەتتىك ءتىل جانە ءباسپاسوز ءبولىمىنىڭ قىزمەتكەرى نۇرگۇل قوناقباەۆا, پرەزيدەنتىمىزدىڭ بۇل ەڭبەگى بۇرىنعى ەڭبەكتەرىنەن وزگەشە. سەبەبى بارلىق سالالاردى ۇلكەن ءۇش كەزەڭگە ءبولىپ قاراعاندىعىن قۇپتاپ جانە كىتاپحانا قىزمەتكەرلەرى اقتوبە وبلىسى بويىنشا ءبىرىنشى بولىپ تانىستىردى دەپ العىسىن جەتكىزدى.
س.جيەنباەۆ اتىنداعى وبلىستىق جاسوسپىرىمدەر كىتاپحاناسىنىڭ ديرەكتورى گۇلجاينار نارەنقىزى بۇل تاريحي تۋىندىنى ءالى دە كەڭ كولەمدە ناسيحاتتاۋ كەرەك ەكەنىن جانە ول قالىڭ كوپشىلىك وقىرماننىڭ كوڭىلىنەن شىعادى دەگەن سەنىمدە ەكەنىن ايتتى.
ءۇرجان قۇرمانقىزى,
س.جيەنباەۆ اتىنداعى وبلىستىق جاسوسپىرىمدەر كىتاپحاناسى
ديرەكتورىنىڭ ورىنباسارى
اقتوبە
